Nga Xhevat Mustafa
Pavarësisht nga parashikimet e sondazheve, shumica të investuara nga administrata Biden- Harris- Blinken, më 6 nëntor 2024 Donald Trump arriti një fitore të madhe e të thellë përballë rivales demokrate Kamala Harris! Duke mos iu referuar shifrave dhe meritave personale të Trump e të Partise Republikane, kjo fitore është rrjedhojë edhe edhe shumicës së zgjedhësve në SHBA. Duke votuar në shumicë të ndjeshme, sa PR të mbizotërojë në Senat dhe në Kongres, ata shprehën ato cilësi që na mungojnë prej të paktën 80 viteve ne shqiptarëve si popull! Kështu, kjo FITORE që pritej e paralajmërohej nga sondazhe dhe analistë vërtetë të pavarur e të pablerë nga qeveria Biden dhe bosë kompanishë me anim familjar e personal majtas, është rezultat i nivelit të lartë të emancipimit demokratik dhe qytetar në SHBA. Shumica e zgjedhësve në këtë vend, ngjashëm si në pjesën më të madhe të vendeve të Perëndimit, kur shkojnë para kutive të votimit ose votojnë në rrugë elektronike, më parë se partinë dhe kandidatin e saj vlerësojnë vetet dhe familjet e tyre, mirëqenien si qytetarë e si taksapagues, AMERIKËN…! Mbi gjithçka, llogaria është bërë me mend në kokë e duart në xhepa e kuleta! Pra, sa kam fituar unë si qytetar gjatë 4 viteve të shkuar nga qeverisja Biden- Harris? Më janë rritur gati dyfish shumica e çmimeve dhe e kostos së jetesës? Atëherë nuk ia jap votën Kamala Harrisit dhe do të votoj për Donald Trump. Ky, në mandatin e tij si president, më 2016-2020, ishte i suksesshëm në fushat e ekonomisë e të mirëqenies…Çmimet ishin gati dyfish më të ulta se sot, më 5 nëntor 2024…! Si qytetar shpenzoja më pak e kurseja më shumë për në bankë e për të ardhmen…!
Pra, jeta e përditshme, bindja dhe vota politike e partiake në AMERIKË dhe në vendet e tjerë të zhvilluar edhe për nga nivelet e emancipimit qytetar, politik, demokratik…, janë së pari ekonomi e llogari! Ndërsa tek ne prej 80 vitesh mbi njeriun, qytetarin, mirëqenien masive, Shqipërinë, mbi demokracinë dhe drejtësinë e vërtetë…, janë “partia dhe kryetari i zemrës”, edhe pse na kanë mashtruar e vjedhur sy më sy me premtime rrense për 67 apo 80 vjet!? Prandaj Amerika është AMERIKË dhe Shqipëria “shqipëri…”!!!
