Basir Çollaku/ PD ka ndalur diktaturën e Ramës, sulmues të saj flasin falë saj

Ka një ethe propogande në banaqe televizive, ku pushteti ka akses dhe aksione, për të zhvendosur debatin te PD.
Sot emergjencë kombëtare është largimi i Edi Ramës. Nesër në kutitë e votimit del qeveria pa Edi Ramën
A ka probleme PD?
Po ka mjaft. Disa i ka prodhuar vetë.
Ka mbi 10 vite që sulmohet nga qeveria si në luftë. Dhe ka mbijetuar duke qenë gardiani kryesor i asaj grimce demokracie që ende ka mbetur sot.
Protesta është një zhvillim i jashtëzakonshëm.
Të ikë Berisha thonë kryesisht votuesit kundër tij. Ka edhe votues të Berishës ndoshta në një mendje me ta. Por mos të ketë kush iluzione, se një demokrat vrapon te Rama thjesht se kryetar është Berisha. Kush ka shkuar te Rilindja, ka interesa personale dhe biznesi. Ka bërë pazar. Asgjë tjetër. Shkurt. Thjesht. Pa gabime. Ata bërtitësit kundër PD, kanë një kuvend të munguar me kujtesën.
PD në luftën kriminale elektorale 2025 ka marrë afro 530 mijë vota. Shumë nga zhurmuesit e sotëm, në mos të gjithë kanë qenë kundër saj pro Ramës. Përsenë e dinë ata. Nuk çmoj se e kanë bërë nga naiviteti.
A fiton PD me aq vota?
Jo
A munden opozitarët 2026, të mundin Ramën pa PD e Berishës, apo pa vota të demokratëve, të cilët janë mërzitur për mjaft sebepe me vend edhe me Berishën?!
Në asnjë mënyrë jo
A duhet Berisha të kishte bërë më ndryshe.?!
Po. Shumë më ndryshe disa gjëra.
Kritikët qortuesit e tij të brendshëm janë më të shpërblyerit prej tij. Berisha dallohet për zgjedhje jo të qëlluara përfaqësuese.
Mos e ktheni protestën, protestë kundër PD, sepse jeni duke investuar diktaturën e dytë në vend. Kushdoqofshi.
Berisha mund të ikë. Do të ikë edhe ai. Por kjo është histori politike dhe partiake pas ikjes së Ramës. Fillimisht prishet pa kushte 2008-a. Ta kërkojnë me urgjencë.
Ka pakënaqësi për disa emra me mandat të PD
Flamur Noka, është ndër më të atakuarit.
Përse?!
Më guximtarët sjellin kriter, prapë ai!! Nuk bën thonë të tjerë. Nuk është shkëlqyes por mbijetues, ca më tutje edhe përmbarues. Dhe e kanë votuar vetë ata që se duan brenda PD, që ai të jetë Sekretar i Përgjithshëm.
Jo po bëjnë biznes disa deputetë të PD shtojnë më pas. Nuk është utopi.
Dhe gjoja për këtë i lejon Rama!
Nuk sulmojnë Ramën se mund të zhvillosh pronën, apo bësh biznes sipas ligjeve të tregut, e jo ligjeve të Ramës, por paskan faj disa të djathtë se në institucione marrin leje.
Gazetarët kanë nundësi të flasin me emra. Të marrin dosjet. Po kanë para droge dhe korrupsioni deputetë të PD, funksionarë të saj, mi jepni mua shkresat ti publikoj unë, nëse ju keni sekëlldi. Edhe po qenë marrës tendersh rregullisht atëhetë del kush nga PD, eshtë te ushkuri i Edi Ramës.
Të flasësh për Flamurin, Albanën, Bardhin, Tabakun, Belindin, si drejtues, e disa të tjerë, nga dallgët e brendëshsme të PD, për ambiciet e nesërme, mund ta bëjë kushdo. Ka vend për debat plot. Kërkojuni hesap medieve kombëtare dhe të tjerave, të cilat janë lidhur pas Ramës, si lopa pas litarit. Do gjeni miliarda përfitime për të manipuluar qytetarët.
Por të lësh Belinda Ballukun, Taulant Ballën, me gjithë ministrat të pandehur në SPAK, për trafik droge e korrupsion marramendës, si dhe 35 apo 40 bashkiakë të pandehur në qeli në kërkim, kjo është kriminale. Të këtyre të cilët do të sanksionohen nga USA shumë shpejt. Madje kërkoni SPAK llogari njëlloj sa Ramës. Nuk e kontrollon PD SPAK besoj e di edhe çdo lloj qorri e shurdhi politik. Është Rama dhe ushtria e tij e pandehur po nga SPAK dhe toleruar turpësisht prej saj.
Prioritet absolut ka Shqipëria. Ajo nis të shpëtojë me ikjen e Ramës, si kreu i organizatës kriminale shtetërore.
Protestë të gjithë. Qëndroni aq të zemëruar deri në votimin e parë që vjen, që nëpërmjet saj të largoni këdo duhet të ikë. Gjermanët thonë
Pilafi nuk zihet me fjalë..