Është poetja Mimoza Rexhvelaj që me një status në rrjetet sociale ka ironizuar vendimin e Bashkisë Malësi e Madhe për të vendosur në hyrje të qytetit një instalacion artistik.
Janë statujat e një tufe kafshësh që kanë tërhequr vëmendjen e qytetarëve, por edhe të udhëtarëve të shumtë që përshkojnë atë rrugë për në Mal të Zi, Razëm, Theth apo zona të tjera turistike në Veriun e Shqipërisë.
Rexhvelaj nuk shënon se kush është autori i këtij instalacioni.
Postimi i plotë i saj:
“Ky i madhi është kryetari, këta të tjerët janë servilat që e rrethojnë. S’kishte si të mbyllej më bukur viti se me një vepër arti me përmasa të tilla në hyrje të Koplikut.
Shënim: turistët do të ndalojnë e do të bëjnë foto me ekipin fitues, si në ato muzet jashtë shtetit ku janë vipat, aktorët e presidentët prej dylli, diçka e ngjashme.????
Urime Bashki jeni më të mirët, ju nuk zhgënjeni kurrë! Ju dështoni me sukses gjithmonë dhe nuk skuqeni fare, por vazhdoni përpara…
Po pres me kreshëri të shikoj si do të jetë Spiropali ndonjë luaneshë besoj?!
