Basir Çollaku/ Energjia, Elisa dhe SPAK, asgjë pro Ramës

Projekti i gazit, ai nënshkrim me Shqipëri dhe Greqi, me praninë e dy drejtuesve të Ambasadave të Athinës dhe Tiranës, është një projekt amerikan energjie për Ballkanin dhe jo vetëm. Spërdredhjet e Edi Ramës me përqafime nuk janë agjendë rehabilitimi ndaj dhe në favor të tij. Ka gjithnjë më thellë.
Përballja
Tre prokurorët e Prokurorisë Speciale, dtejtuesi Braho dhe Mara e Bejko, kanë.qëndruar një javë në USA. Dosja “Balluku” ka qenë kryefjalë. Sinaloa dhe McGonigal, kartelet e drogës, pastrimi parave, AKSHI, refren dhe dosje. Sekuestrimet call centera, arrestimi i Ervin Matës në Brazil, një prej grosistëve të kokainës prej dy vitesh në kërkim, janë shenja se java amerikane e SPAK po nis të flasë. Kjo prangosje trondit mjaft emra në Tiranë. Pallati “Mata” 37 katësh vazhdon hedh shtat. Lejedhënësi Edi Rama e di. Do ketë më tepër, shumë më tepër, në emra të pushtetshëm në politikë, pushtet, drejtësi, biznes.
Elisa
Tani Elisa nuk është.ish-ministrja, apo deputetja rebele anti-ramë në Rilindje. As dinakëria e Ramës për t”ia lënë ndëshkimin e saj, Ballukut, nuk do të shkrepë, sepse ndodh me miratimin e tij. Spiropali ka lajmëruar kryeministrin. “Unë nuk flas vetëm anglisht”. Pra reagim komunikimet e saj janë me sa duket anglisht-gjermanisht. Kur KM vjedh copëza agjende amerikane për tu shfaqur ia prish festën një reagim “elisë” Ai e di se të huajt e Uashington-Bruksel-Berlinit, janë aksionerë në këto qëndrime rastësore. Ndaj ulëret. Do të përjashtoj. Kë? Nga ku?! Për çfarë?! As ai nuk e di. As ai, as Bela, as Tao, e dinë se nuk munden. Ai është në tryezën e darkës së fundit…