Kjo deklaratë e nënkryetarit të Partisë Demokratike, Belind Këlliçi, vjen si një reagim i ashpër ndaj iniciativave të fundit ligjore dhe qëndrimeve politike të maxhorancës lidhur me hetimet e drejtësisë ndaj zyrtarëve të lartë.
Sipas Këlliçit, kryeministri Edi Rama po konfirmohet si mbrojtësi më i madh i korrupsionit në vend, duke mbrojtur publikisht njerëzit e tij të besuar dhe duke përdorur kartonin e shumicës parlamentare për të bllokuar drejtësinë.
Pasi i përkrah publikisht njerëzit e tij që kapen duke abuzuar, pasi del garant i virtyteve dhe varfërisë së tyre, pasi bën 82 vota në Kuvend kundër drejtësisë dhe në mbështetje të zëvendëses së tij, tani ka bërë edhe një hap tjetër,” është shprehur nënkryetari i PD-së.
Këlliçi ka ngritur shqetësimin se ndryshimet e propozuara në Kodin e Procedurës Penale synojnë t’u sigurojnë paprekshmëri zyrtarëve të akuzuar për shpërdorim detyrë apo shkelje të barazisë në tendera, duke shmangur masat e arresti me burg gjatë fazës së hetimeve.
Në deklaratën e tij, ai ka sjellë në vëmendje edhe rastin e zëvendëskryeministres Belinda Balluku, ku sipas tij, abuzimet e analizuara nga SPAK arrijnë në shifra alarmante:
1.2 miliardë euro: Vlera e buxhetit të shtetit me të cilin dyshohet se është abuzuar përmes shkeljes së barazisë në tendera.
Lehtësimi i veprave: Këlliçi e konsideron të papranueshme përpjekjen për t’i trajtuar këto shkelje si vepra të lehta që nuk duhen ndëshkuar me burg.
“Shqipëria lypset sot ta forcojë luftën ndaj këtyre kategorive, ndaj shpërdorimit të detyrës apo shkeljes së barazisë në tendera, dhe jo e kundërta,” nënvizoi Këlliçi, duke përfunduar se prioritet i kryeministrit mbetet halli i tij personal dhe i bashkëpunëtorëve, e jo interesat dhe nevojat e vendit.
Postimi i plotë i Belind Këlliçit
Korrupsioni nuk ka pasur ndonjëherë mbrojtës më të mirë se sa Edi Rama!
Pasi i përkrah publikisht njerëzit e tij që kapen duke abuzuar, pasi del garant i virtyteve dhe varfërisë së tyre, pasi bën 82 vota në Kuvend kundër drejtësisë dhe në mbështetje të zëvendëses së tij, tani ka bërë edhe një hap tjetër.
Mbrojtësi i korrupsionit kërkon ndryshimin e Kodit të Procedurës Penale në mënyrë që ata të akuzuar për shpërdorim detyre apo shkelje e barazisë në tendera, të mos shkojnë në burg.
Gjatë kohës që hetohen të vazhdojnë punën njësoj, procedurat njësoj, jetën njësoj.
Kujtojmë këtu se me shkelje të barazisë në tendera, Belinda Balluku sipas SPAK ka abuzuar me 1.2 miliardë euro buxhet të shqiptarëve. Sipas Edi Ramës, kjo është vepër e lehtë, s’duhet ndëshkuar.
Shqipëria lypset sot ta forcojë luftën ndaj këtyre kategorive, ndaj shpërdorimit të detyrës apo shkeljes së barazisë në tendera, dhe jo e kundërta.
Edhe një herë, Edi Rama po tregon se ka hallin e tij e të bashkëpunëtorëve si prioritet, jo nevojat e vendit.
