Nga Edith Harxhi
Nuk ishte çudi ajo që ndodhi sot në Venezuelë.
Diktatorin e kapën, bazat ushtarake i bombarduan.
Administrata e Presidentit Trump kishte pesë-gjashtë muaj që kish paralajmëruar diktatorin Venezuelan që do të kish një fund të hidhur. Nuk mund të lejonte një administratë konservatore amerikane që në kufirin e saj të bënin numra dhe manovra ushtarake Kina dhe Rusia, por edhe Irani e Hezbollahu.
Kartelet e drogës që drejtonin Venezuelën me anë të Maduros, kishin hyrë më territorin Amerikan këto vite kaosi globalist dhe kishin kapur tregun e fetanolit e kokainës duke krijuar një dramë të vërtetë njerëzore në Amerikë.
Kina me financimet e saj kish arritur të futej financiarisht në industrinë e naftës në Venezuelë ku kishte kapur 30% të prodhimit të naftës në këtë vend. Kina ka financuar këto vite infrastukturën portuale, ajrore dhe tokësore të shumë vendeve të Amerikës qëndrore dhe latine, madje menaxhonte deri 11 muaj më parë kanalin e Panamasë. Këtu nuk po përmend investimet në fushën ushtarake të bazave kryesore në Amerikë latine apo edhe bazave detare/oqeanike.
Rusia nga ana tjetër ka vazhduar gjithë këto vite avancimin e saj dhe investimin në baza ushtarake dhe armatim. Dhe në fund Hezbollah dhe Irani që përfitonin nga pafuqia amerikane, kishin vendosur bashkëpunim të ngushtë me kartelet e drogës dhe Maduron.
Për të mos neglizhuar është gjithashtu edhe ndërhyrja e kompanive të financuara nga kartelet venezueliane të kompanive të sistemit elektronik të votimit që sollën tjetërsimin e rezultatit zgjedhor në zgjedhjet presidenciale 2020 në ShBA. Dy kanë qenë qendrat e manipulimit elektronik të zgjedhjeve në Amerikë në 2020-ën, Karakas dhe Beogradi.
Këto tashme janë zbuluar me fakte nga shërbimet amerikane. Kompanitë venezueliane- amerikane-kineze, Smartmatic dhe Dominion kanë hyrë pa tendera dhe menaxhuar sistemin elektronik të zgjedhjeve edhe në Shqipëri këto vite.
Ngjarjet në Venezuelë kanë nxjerrë zbuluar Autokratin e Shqipërisë dhe atë të Serbisë. Ata do të bien shumë shpejtë. Autokrati ynë ka qenë i lidhur dhe ende është i lidhur simbiotikisht me George dhe Aleks Soros dhe financimet zyrtare bëheshin nëpërmjet USAID dhe përdoreshin si lavatriçe pastrimi parashë nga Sorosi për qëllime fitimi por edhe politike, në zbatim të planit globalizues të Ballkanit.
Nga ana tjetër “lideri ynë global” është drejtues dhe frymëzues i grupeve narkotrafikante shqiptare nga amerika latine, përkatësisht, Venezuela, Kolumbia, Ekuatori por edhe vende të Gjirit Persik ku gjejnë strehë trafikantët në kërkim ndërkombëtar.
Nëse njësitë ligjzbatuese amerikane nuk do ta kishin kapur dhe larguar nga Karakas, Maduron do ta kishin zhdukur kartelet për të cilat ai punonte. Edhe ky i yni e di që është në rretik nga ata që e kanë mbajtur dhe ata që e kanë përdorur.
Si kundër Venezuelës, në Shqipëri diktatori largohet me ferman. Nuk ka nevojë për sulme. Fermani i ka ardhur, tani pritet vetëm data e zbatimit të aktit final. Natyrisht, shqiptarët janë kuriozë të dijnë se çfar do të bëhet me KM e tyre, a do të arratiset apo do të shkojë para drejtësisë.
Pas ngjarjeve të muajve të fundit, mendoj se askush nuk do ti japë azil si në rastin e Gruevskit, dhe me shumë gjasë ai do të ballafaqohet me drejtësinë ose do të menaxhojë fatin e tij klinik…
Deri në 20 janar, në ditën e një vjetorit të administratës së dytë Trump, do të ketë edhe rregjime të tjera që kapitullojnë apo edhe lufta që do të shuhen. Ngjarja jonë mbetet shumë e vogël për miqtë transatlantik për nga fuqia që duhet të përdoret, por shumë e rëndësishme për ne që do ti japim fund diktaturës narkomane dhe tranzicionit të tej zgjatur. Diskutimi këto ditë mbi qeverinë teknike është pjesë e gjithë kësaj strategjie. Emrat nuk i vendos më Ramaduro…
Një gjë është e qartë tashmë me rezolutën e re të propozuar nga Kongresi Amerikan dhe të mbështetur nga Administrata Trump, që Shqipëria, Kosova dhe Ballkani janë nën radarin e plotë amerikan për pastrimin e tyre nga rregjimet hibride, ndikimi ruso-kinez, rikthimin e demokracive solide, mos ndryshimit të kufijëve dhe njohjes reciproke, si dhe investimeve amerikane dhe europiane.
