Ukraina heq emrin e kompozitorit perandorak rus nga akademia më e lartë të muzikës ne Kiev.
Shkolla më e mirë e muzikës në Ukrainë – Konservatori i Kievit – ka hequr zyrtarisht emrin e kompozitorit rus Pyotr Tchaikovsky.
Vendimi i Ministrisë së Kulturës vjen pas gjetjeve të ekspertëve ukrainas se emri përbën një formë të simbolizmit perandorak rus dhe bie ndesh me ligjin ukrainas.
Kjo vjen mes pushtimit në shkallë të plotë të Rusisë, që vazhdon që nga viti 2022, ndërsa Moska përdor si armë lidhjet e kaluara kulturore dhe shoqatat historike për t’i shërbyer propagandës së saj.
Këto narrativa përdoren për të justifikuar sulmin e vazhdueshëm ndaj Ukrainës, për të legjitimuar pretendimet territoriale dhe për të shtypur identitetin dhe kulturën ukrainase.
Në këtë kontekst, monumentet dhe toponimet ruse nuk janë neutrale – ato veprojnë si shënjues de facto të pushtimit, mbetje të një perandorie që Rusia moderne po përpiqet në mënyrë aktive ta ringjallë dhe mjete të përdorura për të mbështetur grabitjet e saj të tokave.
Emri i Çajkovskit iu dha Konservatorit të Kievit në vitin 1940 nën regjimin sovjetik, duke shënuar njëqindvjetorin e lindjes së tij.
Edhe pse Ukraina fitoi pavarësinë në vitin 1991, emri i akademisë mbeti i pandryshuar për dekada të tëra.
Çështja fitoi vëmendje serioze vetëm pas sulmit në shkallë të plotë të Rusisë në vitin 2022, i cili nisi një llogaridhënie të gjerë shoqërore mbi trashëgiminë kulturore dhe politike të perandorisë.
Komentatorët kulturorë kanë theksuar kontekstin më të gjerë të dekolonizimit.
Nëse Ukraina heq statujat e poetit të Perandorisë Ruse, Aleksandër Pushkin, riemërton rrugët kushtuar Tolstoit dhe eliminon monumentet e perandoreshës Katerina II, pyesin ata, pse shkolla e saj më prestigjioze e muzikës duhet të nderojë ende një kompozitor rus?
Riemërimi i Akademise u kundërshtua më pas nga muzikantë dhe akademikë të cilët pretenduan se Çajkovski ishte më shumë ukrainas sesa rus sepse “babai i tij vinte nga një familje kozakësh zaporozhianë dhe nëna e tij ishte franceze”.
Gjithashtu u pretendua se Çajkovski “e trajtoi Ukrainën me dashuri të jashtëzakonshme, e dëshmuar nga muzika e tij e bazuar në meloditë ukrainase”
Pardje më 30 dhjetor 2025, Ministria e Kulturës e Ukrainës njoftoi se konservatori nuk mbante më emrin e Çajkovskit.
Akademia me e njohur e Muzikes ne Ukraine tashme eshte emertuar si Konservatori i Kievit.
Me emrin e kesaj akademie jane te lidhur muzikante te famshem me fame boterore si:
Volodymyr Horowitz (Vladimir Horowitz), Nje nga pianistet me te medhenj te shekullit XX
Mikhail Pletnev: Pianist vituoz dhe dirigjent
Mischa Maisky: Violinçelist i madh
Lena Belkina: Mezzo-soprano e famshme
Liudmyla Monastyrska: Soprano
Nga Saimir Kadiu
