Pasditen e sotme, rreth orës 17:00 mbërrijnë në Rinas, tre pajisjet që do të përdoren për riparimin e avarisë së rëndë në rrjetin e ujësjellësit.
Në këto momente pajisjet janë në aeroportin e Stambollit (Turqi) dhe në mbrëmje vijnë në Vlorë për ti dhënë zgjidhje përfundimtare situatës.
Pajisjet janë nisur drejt Tiranës me avion privat të vendosur në dispozicion.
Në shërbim të kësaj avarie, në një periudhë tjetër, do të mbërrijnë edhe 100 metër tubo me qëllim që të mos ketë më probleme nga kjo avari.
Deri më tani qyteti i Vlorës po furnizohet me ujë me gjysmë kapaciteti. Ndërsa për zonat që ka mungesë uji, janë vendosur në dispozicion autobote.
