Përtej gjenocidit financiar, projekti i Edi Ramës për kriminalizimin dhe largimin e të rinjve është dëmi më i madh që i është bërë vendit.
Sot që flasim, rreth 2.2 milionë shqiptarë janë jashtë vendit dhe mosha mesatare e tyre është 32 vjeç.
Këto shifra tregojnë se, për karrigen e Edi Ramës, ky komb është në kufijtë e zhdukjes nëse reagimi ynë nuk do të jetë në raport të drejtë me politikat brutale të qeverisë që nxisin eksodin.
Një studim i fundit i Bankës Botërore, në bashkëpunim me INSTAT-in, për Migrimin Ndërkombëtar në Shqipëri, tregon se rreth 15 për qind e migrantëve marrin hua për të mbuluar kostot fillestare të migrimit.
Kjo përqindje rritet ndjeshëm te të rinjtë, ku më shumë se një e katërta e migrantëve të rinj raportojnë se janë detyruar të huazojnë para për të realizuar largimin.
Pra, e kuptoni, të rinjtë tanë, në vend që të marrin kredi për shtëpi, po marrin kredi për të paguar udhëtimin me gomone drejt Anglisë.
Largimi i Edi Ramës është kthyer në një emergjencë kombëtare, teksa llogaridhënia e tij para drejtësisë do të jetë kusht i panegociueshëm.
