Dorëheqja erdhi një ditë pasi Zheljazkov njoftoi largimin e kabinetit në një konferencë urgjente në Kuvend, vetëm pak para zhvillimit të votimit të mosbesimit të kërkuar nga partia ‘vazhdoni ndryshimet–Bullgaria Demokratike’.
Koalicioni diskutoi situatën. Nuk kemi dyshim se qeveria do të merrte mbështetje në mocionin e mosbesimit. Megjithatë, vendimet e Asamblesë Kombëtare kanë kuptim vetëm kur pasqyrojnë vullnetin e popullit.
Dëshira jonë është të jemi në nivelin që shoqëria pret. Pushteti vjen nga sovrani. Si të rinjtë ashtu edhe të moshuarit ngritën zërin për dorëheqje. Kjo energji qytetare duhet mbështetur dhe inkurajuar’, deklaroi Zheljazkov.
Largimi i qeverisë pason protestat e mëdha mbarëkombëtare të shkaktuara nga planet kontroverse buxhetore. Në fund të nëntorit, qeveria u detyrua të tërhiqte draftbuxhetin nga parlamenti pas protestave masive para Kuvendit, reagimeve nga partitë opozitare dhe sindikatat, si edhe paralajmërimeve të Komisionit Evropian se dokumenti nuk ishte në përputhje me rregullat buxhetore të BE-së. Protestat u shndërruan në një shprehje të pakënaqësisë së gjerë ndaj korrupsionit, mungesës së drejtësisë dhe dështimeve të qeverisë në disa sektorë. Rosen Zheljazkov u zgjodh kryeministër më 16 janar, me 125 vota pro dhe 114 kundër.
