Kryeministri Edi Rama ka folur ditën e sotme në lidhje me masat e caktuara nga GJKKO ndaj Belinda Ballukut.
I pyetur gjatë konferencës me komisioneren Marta Kos, në lidhje me masën për pezullimin nga detyra të Ballukut, Rama u shpreh se do të kërkojnë mbrojtje në Gjykatën Kushtetuese.
“Do të kërkojmë mbrojtjen e funksionimit të cenuar të qeverisë vetëm te drejtësia, në Gjykatën Kushtetuese. Këta jemi ne. Ky jam unë. Dhe kështu do jetë deri në fund, sa kohë që unë kam privilegjin të udhëheq Shqipërinë drejt anëtarësimit në BE. Mbrojtja e pavarësisë së re dhe jo të përkohshme është prioriteti ynë absolut”,- u shpreh Rama.
Ndërkohë pak më herët kryedemokrati, Sali Berisha deklaroi se Balluku e ka kërcënuar Ramën që ta çojë vendimin në Kushtetuese ose do të tregojë në SPAK se në aferën e Llogarasë janë të përfshirë të dy.
