E mbështes plotësisht çdo koleg avokat në mbarë Shqipërinë.
Ajo që ndodhi dje është një goditje e rëndë ndaj pavarësisë së profesionit tonë dhe një sinjal i rrezikshëm për drejtësinë në këtë vend.
Në gusht, një nga gjyqtarët më me përvojë foli publikisht për arrogancën e gjyqtarëve e prokurorëve të rinj. Mendova se ishte një rast i izoluar.
Por, jo — ky fenomen po kthehet sistemik: arrogancë, abuzim me pushtetin dhe përçmim ndaj avokatit si mbrojtës i qytetarit.
Arrestimi i një avokati vetëm pse kundërshtoi prova të falsifikuara ndaj klientit dhe deklaroi se do të bënte kallëzim penal ndaj prokurorit është një turp institucional.
Ky akt bie ndesh me çdo standard vendas dhe ndërkombëtar:
📜 Neni 6 i Konventës Evropiane për të Drejtat e Njeriut garanton të drejtën për një gjykim të drejtë dhe mbrojtje efektive, që nënkupton lirinë e avokatit për të vepruar pa frikë.
⚖️ Gjykata Evropiane (Morice v. France, 2015) ka theksuar se “avokatët kanë të drejtë të shprehen lirshëm në mbrojtje të klientëve të tyre”
🌍 Parimet Bazë të OKB-së (Havana, 1990): “Avokatët duhet të jenë në gjendje të ushtrojnë funksionet e tyre profesionale pa frikë nga kërcënimi apo ndërhyrja.”
Jam plotësisht dakord me kolegun Ylli Manjani: se nëse nuk reagojmë fuqishëm, më mirë ta shpallim se avokatia nuk ekziston më.
🛑 Është koha për reagim të bashkuar e dinjitoz të të gjithë avokatëve!
#avokatia
#shqiperia
