Kryetari i Grupimit “Dhjetor ’90”, inxhinier Ajet Ramçaj ka reaguar në lidhje me tubimin e organizuar më datë 17 tetor në Tiranë nga Edi Rama, gjoja në mbështetje të Komandantëve të UÇK-së që ndodhen në Hagë.
Ramçaj e quan demagogji dhe hipokrizi këtë lëvizje.
Ai thotë: Lavdia e UÇK-së nuk ka fare nevojë për mitingun e nesërm, përkundrazi…
Deklarata e plotë e Grupimit:
Deklaratë e Grupimit Dhjetor 90 në lidhje me protestën që po organizon Edi Rama gjoja në mbështetje të UÇK-së.
Shpesh në historinë tonë pushtetarët dhe politikanët e vendit sa herë janë gjendë në pozita të vështira për të ruajtur karriget e tyre kanë luajtë me kartën e patriotizmit, duke e përdorë si çadër mburojë për kokat e tyre.
Rama sot gjëndet në pozita tejet të vështira,aq të vështira sa për të administruar e përfunduar këtë mandat të katërt i duhet të bëjë lloj-lloj shpikjesh e manovrash si Diella në fillim të mandatit apo si kjo e nesërmja në shesh Skëndërbej.
I goditun nga opinioni komtar e ndërkomtar si drejtuesi i parë i korrupsionit dhe trafikut që ka kapluar shtetin shqiptar, i goditun si hajdut i zgjedhjeve, i goditun si shkelës i kushtetutës ,i goditun si zaptues i pronave publike dhe tjetërsues i tyne në favor të njerëzve të tij, i goditun si shkatërrues i bizneseve dhe shtëpive të shqiptarve, i goditun si shkatërrues dhe kapës i sistemit të drejtësisë,i goditun si përvetësues i çdo lloj pushteti etj…etj… nesër Rama do të hiqet si patriot para shqiptarëve duke gjetë vend strehim tek patriotizmi.
Se sa e do Rama Kosovën e ka tregu vllazëria e tij me Vuçiç, inisiativa e tij e dështuar e Ballkanit të hapur, injorimi prej tij i faktorit politik kosovar para ndërkomtarve, taksa e Rrugës së Kombit e shumë e shumë veprime të tjera.
Tubimi i nesërm në Tiranë asht thjesht një makiazh e depilim që kjo qeveri po përpiqet t’i bëjë vetes për t’u dukur ajo që nuk është ndaj Refuzojeni, Refuzojeni, Refuzojeni.
Lavdia e UÇK-së nuk ka fare nevojë për mitingun e nesërm, përkundrazi…
