➡️Të premten në orën 17.00 në Sheshin “Skenderbej” është thirrur një protestë kombëtare e inicuar nga Organizata e Veteranëve të UÇK-s, e mbështetur nga shumë shoqata dhe organizata patriotike dhe qytetare në Kosovë, Maqedoni, Shqipëri dhe diasporë.
➡️Ky manifestim proteste vjen pas atij të organizuar nga të njëjtët organizatorë, zhvilluar para pak kohësh në Hagë.
➡️Protesta ka për objektiv dhe moto kryesore lirimin e krerëve të UÇK-s, të cilët kanë mbi pesë vite të izoluar në një proces gjykimi të stërgjatur, akuzuar për krime lufte nga Gjykata Speciale e Kosovës, gjykatë kjo e votuar me unanimitet nga deputetet e Republikës së Kosovës njëlloj si SPAK-u nga deputetët e Republikës së Shqipërisë.
➡️Protesta e zhvilluar para tribunalit të Hagës ishte krejtësisht e legjitimuar dhe mori vemendjen e duhur nga mediat ndërkombëtare.
🔷️Edhe pse pa dashur të hy në brendësi të akuzave, ato që janë bërë publike deri sot, krerët e UÇK-s përfshirë edhe ish Presidentin Thaçi nuk kanë asnjë akuzë për vrasje të ushtarëve, policëve apo paramilitarëve serb.
🔷️Të gjitha akuzat, të paktën ato që dihen publikisht, janë për vrasje shqiptarësh në kushte dhe rrethana krejtësisht të palegjitimuara të luftës për çlirimin e Kosovës prej okupatorit serb.
🔷️Megjithëse kjo është një temë tjetër që meriton analiza të veçanta, por nëqoftëse në Hagë protesta kishte një efekt të fortë mediatik, sensibilizues, dhe tregoj mbështetje politike dhe njerëzore ndaj të akuzuarve, kjo e të shtunës në Tiranë është në kufijtë e absurdit kafkjan.
Kundër kujt protesohet nesër ?!?
🔷️Kur dihet botërisht që UÇK-ja bazat e para legale i ka pasur në Shqipëri.
🔷️Këtu në Tiranë janë trainuar qysh nga ’92 dhe deri në ’99, kohë kur ndërhyri NATO-ja, që nga legjendari Adem Jashari e deri tek ushtari që deshi dhe mbeti anonim.
🔷️Dihet që Shqipëria me bekimin e Amerikaneve dhe aleatëve të tjerë perëndimor u bë jo vetëm vendi i stervitjes por edhe fuŕnizuesi kryesor me armatim dhe logjistikë ushtarake për UÇK-në.
🔷️Po ashtu ishte toka prej nga nisi ofensiva për luftën çlirimtare të Kosovës.
🔷️Beteja e Koshares është fitorja e parë e UÇK-s duke shënuar thyerjen e kufirit shqiptaro-shqiptar, që shënonte sprapsjen e ushtrisë Serbe e cila kontrollonte aso kohe gjithë territorin e Kosovës.
🔷️Kush më shumë e kush më pak, kush me hile dhe kush me zemër, që të gjitha qeveritë shqiptare që nga 91 dhe deri sot e kanë mbështetur të paktën publikisht jo vetëm UÇK- por krejt udhëheqjen legjitime të Kosovës dhe kauzën për liri dhe pavarësi të kosovarëve.
🔷️I vetmi që bën përjashtim është Edi Rama, i cili publikisht dhe botërisht në mënyrë të përsëritur ka dalë në krah dhe mbrojtje të hapur të Presidentit Serb, Aleksandër Vuçiçit, ish ministër për informim i kasapit të ballkanit Sllobodan Millosheviçit.
🔷️Është e vërtetë që ai e ka mbështetur vazhdimisht Hashim Thaçin, por kjo nuk justifikon në asnjë rrethanë mbeshtetjen kokëfortë për “Ballkanin e Hapur” i cili e fshinte Kosovën nga harta e Ballkanit dhe rikthente pushtetin ekonomik dhe politik të ish-Jugosllavisë së pas Luftës së II-të Botërore, një projekt ugurzi ky i spekullantit neo-marksist Xhorxh Soros.
🔷️Por çudia dhe absurdi qëndrojnë pikërisht tek fakti që po ky Edi Ramë jep mbështetjen e parezerva të kësaj proteste absurde që i adresohet askujt, kur në Tiranë teorikisht të gjithë janë në mbështetje të UÇK-s dhe krerëve të saj.
➡️A mundet shteti shqiptar pas kësaj proteste të zhbëj Gjykatën e Hagës?
➡️A mundet protesta e të shtunës ti vëj nën presion gjygjtarët dhe prokurorët e kësaj gjykate të mandatuar nga deputetët e Republikës së Kosovës që ti lirojnë , apo ti shpallin të pafajshëm krerët e UÇK-s?
➡️A ka mundësi që protesta e nesërme të siguroj pasqyrim në mediat ndërkombëtare të asaj përmase sa të shndrrohet në presion ndaj kësaj gjykate?!?
🔷️Asnjë prej këtyre pyetjeve nuk legjitimohet dhe s’merr përgjigje pozitive.
🔷️Ndaj protesta e të premtes në Tiranë është thjeshtë një manifestim patriotiko-folklorik që justifikon shpenzimin e disa qindra mijëra eurove dhe për më tepër tregon që asnjërit prej atyre që do të marrin pjesë në të nuk ja ndjen fare, po hiç fare, as për Hashim Thaçin dhe as për të tjerët që gjykohen në një gjygj të stërgjatur në Tribunalin e Hagës, gjykatë që paguhet nga taksat e qytetarëve të Kosovës.
➡️Unë autori i këtij shkrimi në pranverën e vitit 1999, si drejtues i Grupimit “Dhjetor ’90” kam qënë inisiatori dhe organizatori i një manifestimi paqësor me pjesëmarrjen e të gjitha forcave politike dhe organizatave patriotike në vend me moton: NATO në Kosovë.
➡️Atë botë ramë dakort njëzëri të marshonim nga Sheshi “Skenderbej” tek Sheshi “Nënë Tereza” mbështjellur me një banderolë 150 të gjatë në të cilën kishte të shkruar vetëm sloganin: NATO në KOSOVË.
➡️Nuk u mbajt asnjë fjalim, sepse kështu ishim dakortësuar, morën pjesë mijëra qytetarë dhe u përcoll nga dhjetëra media ndërkombëtare, aq sa bëri lajm në SHBA, Bruksel dhe në të gjitha qëndrat e ️rëndësishme vendim marrëse.
🔷️Të premten në Tiranë do të bëhen pafundësisht selfie por s’do të arrihet asgjë.
🔷️E vetmja e arritur e protestës së ditës së premte do të jetë ajo që udhëtimi nga Kosova drejt Tiranës do të jetë pa pagesë, pasi trau i “kufirit” të Kalimashit do të jetë i hapur çka tregon edhe një herë që Edi Rama i urren kosovarët dhe të gjithë shqiptarët e veriut.
🔷️Ndërsa nga marshimi qytetarëve të Tiranës i Marsit të vitit 1999 nuk kanë mbetur foto dhe kronika, por SHBA dhe NATO-ja derdhen mijëra tonë predha mbi kazermat e ushtrisë së Sllobodan Millosheviçit nga zemra e Beogradit deri tek kazermat e ushtrisë okupuese në Prishtinë.
Tiranë 16 Tetor 2025
