I kam borxh 165,000 € për një shtëpi që nuk vlen asgjë: Ata blenë shtëpi krejt të reja dhe tani vlejnë 0 €
Vlera e shtëpive të sapondërtuara në një vendbanim në Bradford të Anglisë është zero, me pasojë pronarët e tyre janë të shokuar, pasi kanë paguar shumë, disa vite më parë, për t’i blerë.
Një çift i tillë, Chris dhe Steph Oliver, të cilët kanë paguar më shumë se 140,000 € (130,000 £) në vitin 2014 për një apartament me katër dhoma gjumi në pronë, së fundmi zbuluan se shtëpia e tyre nuk ka vlerë komerciale.
Shtëpi të reja të ndërtuara me vlerë zero: Ato nuk janë ndërtuar sipas rregulloreve të ndërtimit dhe ndërtuesi ka shpallur falimentimin.
Shtëpia nuk është ndërtuar sipas rregulloreve të ndërtimit dhe, për t’i bërë gjërat edhe më keq, zhvilluesi i pronës së banimit, Sherwood Homes, bëri kërkesë për falimentim në shkurt.
Historia e tyre fatkeqësisht nuk është e vetmja, pasi të gjithë pronarët e 13 shtëpive janë tashmë në të njëjtin pozicion. Një nga problemet me amortizimin e shpejtë është vendi ku ndërtohen shtëpitë.
Sipas “Mirror” që foli me një përfaqësues të bashkisë së qytetit, parcela ishte një ish-depo dhe pavarësisht se prej 40 vitesh nuk është vendgrumbullim, vazhdon të nxjerrë në atmosferë tym toksik metani.
Kur u ndërtuan shtëpitë, duhej të kishin një membranë mbrojtëse nën dysheme, vetëm se kjo nuk ndodhi kurrë.
Vlera e banesave të reja është zero: Ata paguajnë kredi për shtëpi që nuk vlejnë asgjë Adeel Azfal, një nga pronarët që pagoi 191,000 € (175,000 £) në qershor 2016, shprehet gjithashtu se është i shokuar me vlerën zero aktuale të pasurisë së tij. “Unë kam ende 165,000 euro borxh për një hipotekë dhe po paguaj për një shtëpi që nuk vlen absolutisht asgjë”.
Vlera e banesave të reja është zero: Probleme me ligjshmërinë edhe me kullimin Në këtë mes vendbanimi ka probleme ligjshmërie edhe me kullimin dhe rrugët. “Është e qartë se banorët u lanë në mëshirën e zhvilluesit dhe shërbimeve me të cilat ata punuan, kështu që këshilli po i mbështet ata me këshilla dhe udhëzime,” tha një zëdhënës i Këshillit Bashkiak të Bradfordit.
Çështja u theksua nga seria televizive ‘Rip Off Britain’ e BBC-së, duke deklaruar se asnjë nga kompania e ndërtimit dhe partnerët e saj nuk u paraqitën për një deklaratë. Pronarët “janë në panik” dhe disa kanë marrë masa ligjore, por pa rrugëdalje të dukshme nga drama e tyre.
