Nga Kapiten i Parë(L) Artur Meçollari
Mbrëmjen e datës së 8 janarit 2021 Motovedeta “Bora” P-116, e Rojes Bregdetare, me komandant kapitenin e rangut të tretë Bledar Bufaj, shpëtoi 55 emigant në detin me forcën 5 ball duke rrezikuar jetën, me një mjet të klasifikuar për të shpëtuar deri 15 vetë. Mbi 14 vetë nga të shpëtuarit kishin djegie, si dhe midis tyre kishte gra dhe fëmijë. Një nga fëmijët sot jeton falë aktit heroik të detar Besmir Meçaj.
I gjithë ekuipazhi prej gati 2-vjetësh është duke u përballur në një proces ligjor me shpenzimet e tyre, ndërsa disa prej tyre janë edhe familjarë. Në muajin maj 2021 për 21 ditë për pesë pjestarët e ekuipazhit tē motovedetës u morrë masa e arrestit me burg dhe prej asaj kohe janë të pezulluar nga detyra.
Gjykata e Shkallës së Parë Vlorë me vendimin e datës 26 prill 2022 shpalli të pafajshëm pesë detarët heronjë, ekuipazh i Motovedetës “Bora” P-116. Ky është operacioni më masiv dhe më i suksesshëm i Rojes Bregdetare në 22 vjet të ekzistencës së saj. Prej 2-vjetësh pesë detarët heronjë janë braktisur nga institucionet shtetërore, edhe pse ligji parashikon se ata duhet të kenë mbështetje juridike.
