Gruaja 47-vjeçare me origjinë shqiptare u kap duke vjedhur në një supermarket.
Ajo tentoi të arratisej duke sulmuar punonjësen e dyqanit dhe duke e rrëzuar në tokë, kështu shkruajnë mediat vendase.
Policia në stacionin Ponte San Giovanni e arrestoi 47-vjeçaren e cila rezultoi të ishte e papunë.
Mbi të rëndon akuza e vjedhjes.
Përshkrimi i ngjarjes nga punonjësit është si vijon; Gruaja ishte futur brenda me një karrocë që përmbante çanta të një marke të njohur veshjesh dhe kishte me vete edhe një pllakë magnetike, që përdoret për të hequr pajisjen e cila sinjalizon vjedhjet nëpër qendra tregtare apo dyqane me veshje të ndryshme.
Ajo kushte arritur të merrte katër palë këpucë dhe xhupa të markave të njohura duke shpresuar se do të kapërcente barrierat në dyqanit pa u konstatuar.
Veprimet e saj janë vënë re nga një punonjës sigurie dhe drejtuesja e supermarketit, të cilët e kanë ndjekur deri në dalje dhe këtu gruaja duke parë se nuk kishte zgjidhje tjetër, në tentativë për tu arratisur ka sulmuar duke e rrëzuar përtokë punonjësen
Menjëherë në vend kanë ndërhyrë agjentët e sigurisë të stacionit ‘’Ponte San Giovanni’’, të alarmuar nga situata, të cilët kanë ndaluar gruan.
Gjykata ka vendosur masën e sigurisë “arrest shtëpie” për 47-vjeçaren.
