Sot është ditë pushimi, ma së paku për ata që punojnë në shtet, por jo për punëtorët e Drejtorisë (ndërrmarrjes) së Pastrimit dhe Gjelbërimit të Bashkisë Tiranë…
Teksa shihja këtë skenë t’përçudnume, të dhimshme të kësaj gruaje dhe të tjerave aty, me kazëm në dorë çanin betonin për mbjelljen e pemëve të propogandës së pështirë të Kryetarit të Bashkisë Tiranë, si vetëtima më kaloi në mendje pozita e gruas gjatë shekujve në Shqipni…
Para se në këto troje të vinte smundja e zezë e komunizmit, gratë mbase jetonin ne kushte shumë të vështira ekonomike, ama nuk trajtoheshin si shtâsë…
Atje ku nuk kishte shtet, dhe shoqëria i rregullonte marrëdhaniet nga e drejta zakonore (Kanuni i Lek Dukagjinit, Kanuni i Skenderbeut etj), gratë punonin përkrah burrave, por gjithmonë banin punët ma të leta… (Burri me parmendë- gruaja u printe qeve ose hidhte farê, Burri kosiste-gruaja rrotullonte barin me cfurk, burri priste dushk/gjethe lis me lis, për bagëtinë-gruaja palonte poshtë tij, burri sillte drutë nga mali me kafshë ngarkese, i çante e bante zjermin- gruaja gatuante e kujdesej për familjen brenda shtëpise etj), madje ne zonat me popullsi të besimit islam, gratë punonin vetëm brenda shtëpisë…
Ndër qytete dhe ku funksiononte shteti, sigurisht qê gratë, punonin por ma së tepërmi në shtëpi, dhe nuk trajtoheshin si kafshë…
Erdhi Komunizmi…Kolera…
Gruaja u barazua me burrin! Kazmën në dorë e në aksione me barkun bosh, zdesh e zbath e “Rrnoftë Partia e Shoku Enver! !
Po sa e dhimbshme… Edhe në këto 30 vite “Shkërdhatokraci”, gratë vazhdojnë të trajtohen si kafshë…prej burrave legena që drejtojnë si në pushtetin qëndror si atë vendor…
“Janê mbjellë pesqindë e pesëdhjetë mjijë pemë”- thotë KryeNeveria e Tiranës…Dhe askush nuk pyet: Se kush i mbolli, a u mbollën me makineri apo akoma me kazëm (edhe pse jemi në vitin 2022), apo sa e kanë rrogën ata mjeran të ndërmarrjes pastrim-gjelbrimit (që për ironi i drejtoka një femër) që kanë mbjellë gjithë keto pemë?!!
Vetëm kjo foto, e një gruaje, e një nane, që për bukën e gojës, në ditë pushimi, çan betonin e ftohtë të trotuarit, të Kryeqytetit…, do mjaftonte po të ishim vend normal,që Kryebashkiaku, të përfundonte në koshin e turpit të historisë…
