Kryeministri Edi Rama pasditen e sotme ka patur në qytetin e Burrelit një takim me të rinjtë.
Kreu i qeverisë ka diskutuar me ta për mundësitë e punësimit online, duke u dhënë shembuj të rinjve se shumë bashkëmoshatarë të tyre e bëjnë këtë punë dhe paguhen shumë mirë.
Nëse arrin të japësh shërbime online për kompani të ndryshme jashtë vendit mund të sigurohen pagesa më të larta se e vetë
kryeministrit apo kryetarit të bashkisë.
Ai u shpreh se ka gati 16 milion vende të lira pune në tregun e shërbimeve online në kompani të ndryshme në mbarë botën.
“Për të marrë paga shumë herë më të larta se kryetarit të Bashkisë apo kryeministrit. Ndodh sot edhe në Shqipëri. Kemi djem dhe vajza, që janë të punësuar në tregun global online, dhe marrin paga shumë të mira. Janë por janë pak. Ne kemi të gjithë programin për këtë punë, për të stimuluar edukimin, për të hyrë në këto kurse
“Mund të punësoheni kudo, nuk keni nevojë të ikni nga shtëpia. Mjafton një kompjuter dhe një lidhje interneti. Jeni në tregun online global. E krijon teknologjia këtë mundësi” tha Rama.
