Feronit Shabani, i njohur si reperi Fero, është arrestuar ditën e sotme nga policia, pasi u publikua një video ku shihet duke e sulmuar dikë brenda një veture.
Ka qenë Prokuroria Themelore e Gjilanit që ka njoftuar se ai është ndaluar për 48 orë për veprën penale “Sulm”.
“Prokuroria Themelore ne Gjilan, pas njoftimit që në media është duke qarkulluar një video incizim ku shihet një person duke e sulmuar një person tjetër në veturë, në qytetin e Gjilanit, menjëherë ka autorizuar Policinë e Kosovës. Hetuesit në Stacionin Policor në Gjilan, ku të njëjtit edhe e kanë bërë identifikimin e të dëmtuarit dhe të pandehurit, dhe pas intervistimit të tyre me vendim të prokurorit të shtetit , është ndaluar për 48-orë i pandehuri F.SH, me dyshimin e bazuar se i njëjti më datë 24.07.2022, ora 17h, ka kryer veprën penale, Sulm nga neni 184 i KPRK-ës”, thuhet në njoftim.
