Kështu shkruan sekretari i Partisë Demokratike, Flamur Noka në një status në “Facebook”.
Ja postimi i plotë:
Arrestohet kryetari i PS Zall-Mner për kultivim droge.
Eksponent kryesor i PS në fushatën e zgjedhjeve të 25 prillit, në krah të Elisa Spiropalit dhe Rakip Sulit.
I dënuar më parë për mashtrim, me 6 muaj burg punon sot në Shkollën e Mesme Profesionale Kamëz.
Rekrutonte dhe shfrytëzonte nxënësit në aktivitetin e tij kriminal.
Kryeplaku që duhet të raportonte kultivimin e drogës në zonë është vjehrri i tij.
Rasti Agim Hoxha është pasqyra ku mund të shihni fytyrën e Edi Ramës.
Prokuroria duhet të hetojë ata që i dhanë garancinë se do të ishte i paprekshëm në aktivitetin e tij, kryebashkiakun Rakip Suli dhe ministreshën Elisa Spiropali!
Emërimi si kryesocialist i një trafikanti droge është një poshtërim për banorët e Zall-Mnerit dhe gjithë Kamzës.
Prandaj qytetarët e Kamzës duhet të bëhen të gjithë bashkë për t’i dhënë fund një herë e mirë modelit kanabist Hoxha-Suli!
