U fol gjatë se Broja ishte në fokusin e disa klubeve evropiane, mediat angleze shkruajnë se ai do të largohet nga Çelsi, por mbetet në të njëjtin kampionat. Sipas “Daily Mail”, sulmuesi do të jepet huazim në radhët e Uest Hem, edhe pse ky i fundit kërkon ta blejë.
Media e njohur britanike bën të ditur se lojtari do të huazohet përsëri pasi Çelsi nuk ka hequr dorë nga ai.
Uest Hem nisi negociatat për ta blerë, por londinezët sqaruan se Broja nuk është për shitje.
Duket se palët janë shumë pranë akordit për një huazim prej 12 muajsh për futbollistin, ndërsa te Uest Hem do të mundohen që transferimi të bëhet përfundimtar pas këtij viti.
