Marina amerikane ka publikuar aksidentalisht disa dokumente top-sekret, ku flitet për kontaktin me UFO-t.
Dokumentet përmbajnë të dhëna për ballafaqime me dronë të panjohur që fluturojnë mbi gjashtë anije luftarake nga marsi deri në korrik 2019.
Kjo ka bërë që të nxitet debati rreth UFO-ve në Uashington DC.
Dosjet hedhin dritë mbi takimet që besohet se kanë qenë me dronë të panjohur dhe jo me objekte vërtet të pashpjegueshme, por vazhdojnë të mbeten pa sqaruar se çfarë ishin në të vërtetë
Anijet e panjohura përshkruhen se herë pas here bënin afrime “të rrezikshme” pranë anijeve amerikane dhe që afroheshin deri në 500 këmbë prej tyre.
Dronët duket se rrethojnë anijet shpesh pa komunikim – dhe disa prej tyre fluturojnë mbi anije.
Pavarësisht këtyre takimeve të padëshiruara, nuk përmendet asnjë rast që anijet luftarake amerikane të qëllonin mbi fluturaket misterioze.
Dokumentet sugjerojnë se disa nga këta dronë ka të ngjarë të jenë mjete spiune që mbledhin të dhëna.
Mbadi lajmi rrodhi pasi skedarët u ngarkuan aksidentalisht në fillim të kësaj jave, ato janë fshirë menjëherë nga Marina e SHBA.
Dronët – të përshkruar si “stili i katërkopterëve”, varionin në qëndrim nga 1,400 këmbë deri në një lartësi mahnitëse 21,000 këmbë.
Hartat e publikuara në dosje tregojnë dronët që vërtiten pranë anijes luftarake nga rreth orës 4 të mëngjesit deri në orën 18:00.
UFO-t tani po diskutohen nga ish-zyrtarë të inteligjencës, ish-ushtarakë, ligjvënës, NASA, madje edhe ish-presidenti Barack Obama dhe Bill Clinton kanë folur me kode për këtë veprimtari mbinjerëzore.
Është rasti të kujtojmë, se para dy ditësh, qielli i San Diegos u ndriçua nga drita misterioze dhe qyteti u vu në panik.
