Rasti i shumë qytetarëve të shtruar dje me urgjencë në spitalin e Kukësit tërhoqi vëmendjen e medjas dhe u trajtua gjerësisht prej saj.
Ishin mjekët ata që arritën në përfundimin se shkaku ishte uji i pijshëm.
Kryetari i Bashkisë Kukës ka folur sot për mediat dhe deklaruar: S’kemi probleme me ujin, por është përzierë pak me ujra të tjerë jashtë rrjetit.
Kaq ka mjaftuar që të shpërthejë humori në rrjetet sociale.
Gjici gjithashtu ka akuzuar kreun e PD-së së Kuksit, dr Admir Sinamati, i cili e ka ngritur shqetësimin dje dhe sot në media të ndryshme.
Janë dhe doktor- u shpreh Gjici- dhe bëjnë politikë…
Fragment nga prononcimin i kryebashkiakut të Kukësit :
“Në fakt nuk është e vërtetë dhe po ju kujtoj se të gjithë ata, qoftë drejtues institucionesh, mjekë apo kushdo qofshin, apo rrjetet sociale, ose këta që bëjnë politika të mëdha në Kukës që janë dhe doktor, të abuzosh me një temë sensitive siç është uji i pijshëm, është e papranueshme. Ne e dimë që viroza e stinës s’është vetëm në Kukës, por ka edhe në Tiranë, raste të shtuara. Nuk ka lidhje fare me ujin e pijshëm. Një deklaratë që ka dhënë një mjek te spitali është keqkuptuar nga të gjithë ata që e kanë përdorur në rrjete sociale dhe politikisht.
Patjetër që policia do bëjë hetimet e veta dhe do i marrë dhe analizat e ujit. Për lagjen Mujaa të cilën flisni ju, nuk është e vërtetë që ka problem me ujin e pijshëm, aty ka një problem që është përzier uji i pijshëm me ujin vaditës…”
