Presidenti amerikan, Joe Biden, tha këtë të diel se Shtetet e Bashkuara dhe ekonomitë e tjera të Grupit G7 do të shpallin një ndalim të importeve të arit nga Rusia, një hap që udhëheqësit shpresojnë se do ta izolojë më tej ekonomikisht Rusinë, për shkak të agresionit të saj në Ukrainë.
“Shtetet e Bashkuara i kanë vendosur kosto të paprecedentë Putinit për t’i mohuar atij të ardhurat, që i nevojiten për të financuar luftën kundër Ukrainës. Së bashku, G7 do të njoftojë se ne do të ndalojmë importin e arit rus, një eksport i madh që kap dhjetëra miliarda dollarë për Rusinë”, shkruan Presidenti Biden.
Njoftimi zyrtar pritet të martën, në kuadër të takimit vjetor të grupit të shtatë vendeve më të industrializuara
