Teksti i mëposhtëm është shkëputur nga Facebook i një qytetari dhe person publik:
“Ky është trafiku urban që nuk i duhet Kryeqytetit.
Ka mbi 30 minuta që janë “puthur” me njëri tjetrin këta dy autobuzë të stërgjatë.
Ndërsa pasagjerët në dilemë të zbresim apo të presim…
Lokacioni: Në hyrje të rrugës Ali Demi”
Kaq shkruan ai dhe e shoqëron me një foto ku dy autobusë linje janë fërkuar me njeri-tjetrin dhe përfytyrohet lehtë se çfarë ndodh me pasagjerët në këtë vapë.
Pasojat e tjera vijojnë si, bllokimi i trafikut, mos arritja në vendin ku ishe nisur, humbja e takimit për një vend pune, kalimi i orës së vizitës te mjeku etj.
Transporti publik në kryeqytet mbetet problematik prej tre dekadash, por vitin e fundit, nën peshën e rëndë të krizës ekonomike, ngërçet në këtë sektor shërbimi janë shndërruar në makth për qytetarët, por edhe për vetë kompanitë administruese
