Kryeministri Edi Rama ka propozuar në mbledhjen e përbashkët të dy qeverive që në fund të çdo viti të kenë një revistë të përbashkët, ku të bëhen publike të gjitha marrëveshjet e arritura mes Kosovës dhe Shqipërisë.
Në mbyllje të fjalës, Kryeministri Rama u shpreh, nëse kjo do të marrë edhe aprovimin e Albin Kurtit do të jetë një formë e fletores zyrtare, ku do të ndahen me publikun faktet e bashkëpunimit.
“Unë do të doja ti kthehesha atij propozimit për Kuvendin e përbashkët me sugjerimin që të dy zv/kryeministrat të angazhojnë dy qeveritë për të nxjerrë në fund të vitit një revistë bashkëqeveritare, ku të gjitha marrëveshjet të jenë të përshkuara edhe pse jo me këndvështrimin kritik për çfarë do të duhet të shikojmë më tutje. Në
mënyrë që ata që duan të marrin informacion të detajuar, ta kenë një pikë referimi. Kështu krijojmë edhe një revistë të përbashkët me gjithë ecurinë e bashkëpunimit. Kështu që në këtë mënyrë kemi pikë referimi edhe si fletore zyrtare e dy qeverive. Këtë në drejtimin e dy zv/kryeministrave, nëse Albini i e aprovon. Ta ndajmë me publikun e gjerë se cilat janë faktet e bashkëpunimit”, tha Rama.
