Autobusi i Këndit Amerikan Lëvizës ditën e djeshme vizitoi qytetin e Beratit.
Ambasada e SHBA në Tiranë falënderoi ata që iu bashkuan ekipit të të rinjve për të shijuar lojëra, për t’u njohur me realiteti virtual në SHBA dhe shijuar ushqime amerikane të përgatitura nga nxënësit e shkollës së mesme profesionale “Kristo Isak”.
“Falënderime të veçanta për Këshillin Rinor të Ambasadës sonë, Ambasadorët e Natyrës dhe ekipet e Education USA për kontributin në një vizitë të shkëlqyer në Berat”, thekson Ambasada e SHBA në një postim në rrjetet sociale.
Anëtarët e Brigadës Këshillimore të Forcave Speciale të SHBA surprizuan pjesëmarrësit me praninë e tyre dhe folën me të gjithë ata që donin të mësonin më shumë rreth përvojës dhe shërbimit të tyre ushtarak.
“Sot autobusi i Këndit Amerikan Lëvizës vazhdon udhëtimin e tij nëpër Shqipëri. Na u bashkoni në qendër të qytetit të Pogradecit nga ora 10:00-14:00 dhe në pedonalen e Korçës nga ora 18:00-20:00”, njofton ambasada e SHBA-së.
