UEFA ka publikuar axhendën e plotë të klubeve të kampionatit shqiptar, që do të luajnë në Europë.
Tirana e nis sfidën më 6 korrik, Partizani dhe Laçi një ditë më vonë, në 7 korrik.
Kalendari:
Tirana ndeshjen e parë të turit të parë të Champions-it do ta luajë më 6 korrik në transfertë ndaj luksemburgasve të Dudelanzhit në stadiumin “Stade Jos Nosbaum” në orën 19:30.
Ndërsa takimi i kthimit do të zhvillohet në stadiumin “Elbasan Arena”, më 12 korrik në orën 20:00.
Partizani do të luajë ndeshjen e parë të turit të parë ndaj Saburtalos në Gjeorgji më datë 7 korrik në orën 18:00 në stadiumin “Tengiz Burjanadze”, ndërsa dueli i dytë do të zhvillohet në 14 korrik në stadiumin “Elbasan Arena” në orën 20:00.
Laçi do të ndeshet në takimin e parë ndaj Iskrës në stadiumin “Elbasan Arena” në orën 20:00, më datë 7 korrik, ndërsa takimi i kthimit do të jetë në Podgoricë të Malit të Zi më datë 14 korrik në stadiumin “DG Arena Lješkopolje” në orën 21:00.
