Deputeti i zonës Divjakë-Lushnje, ka qenë i drejtpërdrejtë sot në mbrojtje të interesave të fermerëve.
Ai trajtoi një mori problemesh të tjera si çështjen e heqjes së taksës deri në 50.000 lekë, por ndali posaçërisht në problemet me tregun që has bujku në punën e tij.
Ja një fragment nga fjala e tij:
“Bujqësisë shqiptare i duhet bursa dhe i duhet tani, një instrument transparent-kombëtar, me qëllim që bujku të marrë djersën e tij. Është themelore, sepse po ndodh gjëma.
Shteti mos i lërë ata njerëz atje nën hyqmin e grabitqarëve. Tregtarët grabitqarë që kemi që u kemi dhënë para nga buxhet i shtetit për të ndërtuar kapacitetet magazinuese e tani talleni me gjakun, djersën dhe mundin e bujkut. Ky është problemi. Nga 32 leke kg shalqini dje e pashë vet ne 24 lekë për kg, po çfarë ndodh more brenda një dite? Maskarenj që i flasin njëri-tjetrin në telefona dhe që ju thonë po pse …s’po e them fjalën …do u japim ne para? E këta janë bujqit, që na votojnë ne. E kërkojmë e lypim votën ne tek ta”, tha Braçe.
