I dua ditët pa vit…
Ka ditë të vogla..
Ka ditë të mëdha..
Ka ditë kilometrike..e të tjera që i mas veç me një pëllëmbë..
Ka edhe ditë, që thjesht i lë të ikin…
Ka ditë, që diellin e do vetëm për vete, e të tjera ku diellin e jep borxh..
Ka ditë me hënë të qeshur
Ka ditë me hënë idhnake..ku ajo nuk del nga oda e saj, për ditë e ditë të tëra
Ka ditë, ku zemra pyet mendjen dhe mendja pyet syrin..
Ka ditë kur mendimet kane zë..
Ka ditë të heshtura
Ka ditë të vjedhura..
Ka edhe ditë pa mendje..
E ti pret të bësh diçka me ditën tende të re..e në këmbim të asgjësë, pret sërish të renë..
Ka ditë blu, sikundër gri, bezhë, të verdhë, të kuqe..e s’di pse duam vetëm të bardhën..
Po pse, kush e provoi ditën blu, të verdhë, të kuqe..? Jeshilen ditë..?!
Ka plot ditë pa kalendar..
Ditë, ku të hënën ta bëj të shtunë
Dhe të dielën të mërkurë..
Të luaj, si dikur me kukullat e mia dhe me ditët..
Ditë të përqafuara
Dua aq shumë ditët pa vit..
