(Postimi i tij në rrjetet sociale më dt 12 qershor)
31 vjet më parë vendosëm ta shndërrojmë partinë e vjetër të kohës në Parti Socialiste. Ishim një grup i madh intelektualësh në vitin ’91 që ndërmorëm një proces politik të vështirë transformimi.
Partia jonë lindi nga mitra e lodhur e Shqipërisë. Punuam me përkushtim të madh, dhimbshuri të pastër dhe pasion të zjarrtë, në kulmet e një presioni te rrezikshëm.
Mirënjohje jo vetëm Fatosit, Servetit, Namikut, Luanit, Ethemit, Dritëroit të madh, Maqos, Moikomit, Ermelindës, Artës por edhe qindra të tjerëve që patën moralin, guximin dhe qartësinë e dielltë për ti dhënë shoqërisë së traumatizuar shqiptare një parti moderne të majtë, që ruante edhe traditën pohuese më të shëndetshme.
Mirënjohje burrave, grave, djemve dhe vajzave që perballuan fashizmin berishian në procese zgjedhore të përgjakura, në protestat e plagosura prej dhunës së egër, në qelitë e shikut dhe policisë.
Falemnderit gjithë atyre që ndër vite përfaqësuan me ndershmëri PS në zyrat e pushtetit.
Mirënjohje Edi Ramës që e çoi historinë e PS drejt arritjes kampione me tre mandate rradhazi dhe që i dha staturë të fortë rolit ndërkombëtar të Shqipërisë tonë.
Mirënjohje socialistëve të Fierit që më besuan drejtimin e PS në gjithë periudhën opozitare 91-97 dhe çdo sakrificë shpesh herë mbinjerëzore të tyre.
Sot, kur idealizmi shoqëror është zëvendësuar me pragmatizmin individual, të bësh parti është më e vështirë se dje.
Por sakrificat e lindjes së PS na vlejnë si një përkëdhelje prej një dore te dhimbsur.
Gëzuar!
