Erdhi vera dhe keni planifikuar pushime, udhëtime, apo punë sezonale, njihuni me vendet, ku ende ka nevojë për teste apo vaksina anti covid.
Franca, Portugalia dhe Austria janë tre shtetet e vetme në kontinent që ende kërkojnë një certifikatë vaksinimi, shërimi apo test negativ për të hyrë në kufi.
Shqiptarët mund të udhëtojnë tashmë në thuajse të gjitha vendet e Bashkimit Europian pa pasur nevojën e një certifikate vaksinimi, shërimi apo testi negativ. E fundit që iu bashkua listës “Covid-free” është Gjermania dhe sot, pavarësisht që nuk është anëtare e BE-së edhe Turqia ka njoftuar heqjen e kufizimeve për t’u futur në territorin e saj.
