Shtetasja me inicialet E.B është rrëzuar nga ballkoni ku ishte akomoduar.
Mësohet se ajo ishte e shoqëruar me 29 veçorin K.G i cili është arrestuar, mbasi gjatë kontrollit ju gjetë lëndë narkotike e dyshuar ekstazi.
Fatmirësisht e reja ndodhet jashtë rrezikut për jetën dhe është nën kujdesin e mjekëve.
“Policia ka raportuar një ngjarje të rëndë të ndodhur në Vlorë, ku një e re raportohet se ka rënë aksidentalisht nga ballkoni. Nga kontrollet e bëra nga Policia rezulton se partnerit të saj i kanë gjetur ekstazi dhe kanabis.
Ndaj tij policia ka nisur hetimet, ndërkohë që vajza që u rrëzua nga ballkoni raportohet të jetë jashtë rrezikut për jetën.
Specialistët për Hetimin e Trafiqeve dhe Narkotikëve në DVP Vlorë referuan materialet në Prokurori, për veprën penale “Prodhimi dhe shitja e narkotikëve”, dhe nisi procedimi penal në gjendje të lirë për shtetasin K. G., 29 vjeç, banues në Kosovë.
Gjatë kontrollit në dhomën e hotelit ku po qëndronte ky shtetas, së bashku me shtetasen E. B., e cila rrëzua aksidentalisht nga ballkoni i këtij hoteli, shërbimet e Policisë kanë gjetur dhe sekuestruar një sasi lënde të dyshuar narkotike cannabis sativa, një sasi lënde të dyshuar
narkotike ekstazi dhe një peshore elektronike. Shtetasja E. B. ndodhet në spital, jashtë rrezikut për jetën.
Me rastin po merret Prokuroria e Rrethit Vlorë.
