S’e di kush e ka thirrë, aq më pak kush qëndron pas protestës së thirrur nesër në orën18.00.
Por të mungoj, të mos marr pjesë dhe të mos jem zë nëpër protestat që mbrojnë të drejtat e qytetarëve më vjen turp.
Unë do të jem nesër njëri prej atyre që protestojnë kundër çmimeve të çmendura dhe bordeve qeveritare që i miratojnë ato.
Do të jem nesër në protestë kundër papërgjegjshmërisë së qeverisë ndaj varfërisë ekstreme që po përjetojnë shqiptarët.
Do të jem për të qënë krah çdo faktori që mendon se mund të ndikoj sadopak për krijimin e një klime opozitarizmi që të largojë nga pushteti politikanë që interes të fundit kanë problemet dhe hallet e qytetarëve të vendit të tyre.
Nesër e kam bindje që nuk do të rrëzohet qeveria e oligarkisë së krimit, por shumë e shpejt do të jetë dita që s’do të mund të gjeni vrimë “mini” me u fshehë…
