Basir Çollaku/ Një zyrë “Musk” antisoros në Tiranë, rëndësi sa DEA

Shqipëria si koloni e “Soros” ?! Vështirë të thuash ndryshe këto 10 vite.
Prej afro 30 vitesh fondacioni “Soros” në projektet e tij është vendosur edhe në Shqipëri, duke investuar në shumë fusha pa harruar burimet njerëzore. Duke ndërtuar gradualisht “ushtrinë” e tij për vite më vonë. Duke qenë mjerisht të varfër ai e kishte të kollajshme të sajdiste shumë njerëz me pak para. Nën kujdesin e projekteve ku emrat zgjidheshin të ishin trashëgimi e së majtës, ose vesit të “prekurit” u shumuan. Edi Rama ka qenë një nga zgjedhjet e para të fondacionit. Bashkëshortja e tij aktuale sërish ka në punët e saj të mëhershme edhe detyrën e drejtores së Bordit të fondacionit. Majtisti miliarder u bë mes të tjerash, donator për të prodhuar emra publikë e politikë në Tiranë. Nuk la pas dore as të djathtët, duke spikatur jo fort rastësorë. 10 vitet e fundit me ardhjen e socialistëve në pushtet u trashën lidhjet Soros-Rama-Veliaj. Kryeministri dhe kryebashkiaku, garonin publikisht kush e kishte më shumë “vëlla” Aleksin dhe “baba” Xhorxhin. Fotot e përqafimeve prehërore, e shtërngimeve trupore shfaqeshin si medaljone pushteti. Në administratën Biden-Harris, fuqia “Soros” ku dhe Blinken ishte investim i tyre u shumëfishua në Shtëpinë e Bardhë dhe Departamentin e Shtetit. Mendo “katundin ” Shqipëri si përkëdheleshin nga Uashingtoni vëllezërit Rama-Veliaj. Ambasadorët gati pësonin orgazmë kur vëllezërit me mbiemra qeveri bashki, i sajdisnin në qoka takimesh. Helbete vëllezërit e baba shefit. U bë reforma e përfolur në drejtësi ku iu dorëzuan Ramës aksionet e kontrollit. Përdorja ishte shkatërruese. Drejtësia u thërmua. Njëlloj prokurorët soroistë në SHBA vraponin me akuza në dorë kundër presidentit për të marrë aksione te paguesi i karrierës së tyre. Tek ne u shfaqën kundër opozitës dhe kujtdo tjetër kundër. Berisha non grata, ngaqë prishi planet grata të disa klaneve andej, është rasti ekstrem i qokës diplomatike të ndikuar nga Soros me kërkesë të Ramës. Një herë në javë e në muaj vëlla Leksi shfaqej në Tiranë e Prishtinë duke kapur për veshi dy kryeministrat Rama e Thaçi e vëllanë tjetër të Ramës, serbin Vuçiç. Historia e dominimit u bë mbytëse. Dukej se fondacioni kishte marrë me qira Shqipërinë. Mafia krimi, trafiqet e drogës, pastrimi parave, mashtrimet financiare masakruan ekonominë. Pasuritë publike u kafshuan nga klientela e qiraxhinjve. Tani fondacioni me vëlla e baba ka përballjet e veta në USA me presidentin Trump pasi kanë mëkate plot andej. Puna është. Kush do e prishë kontratën e qiramarrjes së Shqipërisë??!
A do të dalë SPAK nga ky ndikim?
A do të mundet të vërë dorë te “soroistët” me dosje të rënda penale?!
Elon Mask gjeniu miliarder mbështetës i presidentit republikan Donald Trump tha dje se do mbetet në politikën amerikane. Tha se do të vazhdojë angazhimin e Komitetit për Amerikën në luftën kundër së keqes së përfaqësuar nga “Soros”. E kryesisht fokus do të mbetej drejtësia. Aty ku janë hedhur miliona dollarë për të zhbërë të drejtën. Një zyrë e Mask në Tiranë, do bënte punë të rëndësishme po aq sa DEA në kryeqytetin shqiptar. Mbase disa çështje do i hetonin bashkë. Këtë mundësi PD duhet ta shohë me konservatorizëm të pakompleksuar. Pavarësisht nëse aty ka edhe sevdallinj të heshtur në kujtimet me fondacionin..