Ne mund të jetojë disa javë pa ushqim, disa ditë pa ujë por vetëm disa minuta pa oksigjen, këto minuta fatkeqësisht maten me gishtat e një dore.
Pa oksigjenin ne nuk do të ishim në gjendje të kryenim funksione normale që nga lëvizja e muskujve, tretja e ushqimit deri tek të menduarit.
Pra oksigjeni na mban gjallë, dhe trupi jonë ka nevojë për nivele të saturimit të oksigjenit në gjak në limitet 94% – 100%.
Këto nivele varen nga ambjenti, sëmundjet e kaluara apo të tanishme, mënyra e jetesës (veset)etj.
Më poshtë po listoj disa nga shenjat dhe simptomat që orientojnë se nivelet e ulëta të oksigjenit në gjak nuk janë siç duhet:
1. Lodhje e kronike, e pajustifikuar.
2. Mjergullim të trurit.
3. Dhimbje e lehtë koke që vjen duke u rënduar.
4. Frymëmarrje e shpeshtë, e shkurtër.
5. Marrje mendsh.
6. Kollë të pajustifikuar.
7. Turbullim të shikimit.
8. Vështirësi në përqëndrim.
9. Konfuzion mendor.
10. Rrahje të shpejta të zemrës.
11. Cianozë (ngjyrë blu në lëkurë, thonj dhe buzë).
Nëqoftëse keni një ose disa nga këta simptoma këshillohuni me një mjek.
Mangësia e zgjatur e oksigjenit në gjak mund të sjellë probleme e pasoja të parikthyeshme për trupin tuaj.
Kujdesuni për veten!
Dr. Ilir Allkja
