Seanca plenare është shoqëruar me tensione mes mazhorancës dhe opozitës, ku në qendër të debatit kanë qenë protestat e zhvilluara në kryeqytet dhe mesazhet e tyre politike.
Kreu i grupit parlamentar të Partisë Socialiste, Taulant Balla, deklaroi se mazhoranca ka një mandat të qartë qeverisës dhe se fokusi i saj mbetet integrimi i Shqipërisë në Bashkimin Europian.
“Po na thuhet sot këtu që protesta e ka arritur suksesin e parë dhe është hequr non grata. Kështu thatë. Madje zotrote ndryshove edhe sloganin, se ta kanë dhënë të drejtën protestuesit.
731C mbi të cilën Berisha është shpallur non grata është e vështirë të hiqet.. Por do ta komentoj sapo DASH apo Ambasada të dalë me një njoftim zyrtar. Ta shisni këtë si arritje të protestës…
Ne kemi një mandat të qeverisim vendin dhe të përfundojmë integrimin në BE. Ju kemi mundur e do ju mundim më thellë në 2029”, tha ai.
