Basir Çollaku/ KokëRama, DASH e nxin, Ursula e zbardh

Koka lart e koka poshtë, janë kthyer në një vëmendje harbute në Tiranën e gjitha rrëmujave të mundëshme. Dekadë putanizmi. Kuplara publike.
Lajmet dje ishin ero-politike, ku koha keqndahej sipas fasonerisë.
Privatësia dalldisëse ndonëse ka brendi mëkatesh me kosto familjare dhe tregon disi se si sillet vorbulla elitare artistike brenda unazës, një çrregullim ndyrësisht i poshtër përfaqësimi, të tjerat janë periferi hallakatjesh.
Kemi një qeveri e një kokëministër me hir-pahirin sundues po pallon një shtet të tërë prej 13 vitesh dhe viktima, populli, vetëm rënkon ngjashëm me vesin. Financat. Ligjin. Ekonominë. Pronat. Edukimin. Shëndetësinë. Sovranitetin. Sigurinë Kombëtare.
Kokëministri dje u takua siç e lyp protokolli me ambasadorin e ri amerikan në Tiranë, Eric Wendt. Palaçorisht mysafiri i nderuar, gjeti në zyrën e shtetarit një klloun me çitjane e atlete. I kruspullosur në kolltuk, kokëRama lart dukej i nbërthyer si kokërama poshtë. Një i pandehur në nominim qelie. Njoftini i takimit nga Ambasads ishte thjesht dhe shkurt. Mbështesim punën bashkë në mbrojtje, investime, ekonomi dhe luftën kundër krimit të organizuar. Tekst funeral për kokëministrin, ndryshe KokëRama. Pak më vonë kokëministri priti Ursula von der Leyen, për të shkëlqyer në fasadën e sheqerit artificial për mahnitjen shqiptare të progresit. Ursula mbase ka harruar se ku ndodhej, ndërsa lëçiste fjali parajse. Ne po mahnisim në korrupsion. Trafik droge. Krim të organizuar. Pastrim parash. Shkëlqim kur shefat e SHISH e të Policisë së Shtetit, zvkryeministrja, kryebashkiaku, ministra, merren të pandehur si pjesë organizatash kriminale. Ditën kur i përkëdheluri prej saj, njofton paketën Anti-SPAK, Të këndojë ndonjë raport BE-je apo Europoli Ursula Pfizer, kur ngeja t’ia mundësojë. Pa u ftohur llogjet e covidianes së akuzuar evropiane në zgrip ore të delirit, mbërrin raporti DASH 2026. Tjetër mesele. Korrupsion kudo, madje edhe në drejtësi. Krim të organizuar. Pastrim parash. Kartele kokaine, cënues sigurie kombëtare të dy vendeve. Mahnitje e zezë kjo Ursula. E bash dje kur ekipi amerikan braktisi tryezën evropiane, duke theksuar se nuk mund të qëndrojnë në një tavolinë me lider europianë të korruptuar. Tej gjeopolitikës ata kanë dhe dosje plot. Ursula, ai trafiku arnëve të Ron-Ramës ne Ukrainën dhe Afrikën sikur nuk ndrin për negociata. Apo çe do! Ku janë edhe shokët kinezë në karriken shqiptare të Aleancës..! E të tjera. Ato dosjet belge, spanjolle, holandeze, franceze, italiane, gjermane, ku Rama fërshëllen si kokëbordi në Mafie, hidhuni ndonjë sy-vesh. Integroni shqiptarët jo mëkatarët. Kushdoqofshin ata. E siç është moti emocional, kokën lart e vëmendjen poshtë, apo kokën poshtë e vëmendjen lart..!! Sepse dje pamë se për çfarë ndodh në Shqipëri, DASH e nxiu kokëRamën, me një raport të detajuar, e Ursula e zbardhi kokëRamën, me një gallatë-sallatë seksi..