Edi Rama është përgjegjësi kryesor për shpopullimin e Lezhës, për braktisjen e bujqësisë dhe për shkatërrimin e konkurrencës së ndershme. Politikat e dështuara, mungesa e mbështetjes për fermerët dhe favorizimi i klientelës së tij kanë detyruar mijëra familje të largohen nga Lezha, duke lënë pas toka djerrë dhe ekonomi të dobësuar.
Sot qytetarët përballen me çmime të papërballueshme për ushqimet bazë dhe karburantin, ndërsa pensionistët janë lënë në mëshirë të fatit, me të ardhura që nuk mjaftojnë as për nevojat minimale. Në vend që të mbrohen shtresat më të dobëta, ato janë braktisur dhe përjashtuar nga çdo politikë reale mbështetëse.
Edhe sistemi shëndetësor është në gjendje të mjeruar, me mungesë shërbimesh cilësore dhe kushte që nuk garantojnë siguri për qytetarët. Në vend të një sistemi që i shërben njerëzve, kemi një realitet që i detyron ata të kërkojnë zgjidhje jashtë vendit.
Po aq i rëndë është edhe mashtrimi i përsëritur me premtimet për ujë të pijshëm. Edi Rama, si në mandatin e parë ashtu edhe në të katërtin, premtoi sërish ujë të pijshëm për banorët, por realiteti mbetet i njëjtë: mungesë investimesh dhe probleme të pazgjidhura. Ndërkohë, fushat e Lezhës përmbyten sa herë ka reshje, sepse mungojnë hidrovoret funksional dhe mirëmbajtja e duhur e infrastrukturës kulluese. Energjia elektrike po aq problem ku mijëra familje të Lezhës rrijnë me orë të tëra në terr si në dimër dhe në verë.
Propaganda e vendosur në çdo cep të qytetit nga Edi Rama dhe oborrtarët e tij nuk mund të fshehin realitetin që përjetojnë çdo ditë lezhjanët. Ata e dinë të vërtetën, e ndjejnë në xhepat e tyre dhe në jetën e përditshme. Lezha nuk mashtrohet më nga propaganda, ajo kërkon ndryshim të vërtetë, drejtësi dhe mundësi për të jetuar me dinjitet. Rilindja ka dështuar dhe PD do t’i kthejë dinjitetin e merituar
