Basir Çollaku/ Drejtësia ose vëri gishtin, cilës kokë?!

Skandali seksual në KLP, ka edhe disa emra të tjerë, me sjellje të ngjashme, më herët apo më vonë. Abuzimet me pushtetin e karrikes, kanë bërë shumë.zyrtarë publikë, t’i vënë gishtin KOKËS! Pavarësisht se gishti shkon herë lart dhe herë poshtë duke ngatërruar, jo fort rastësisht ndalesën mes hallit juridik dhe atij biologjik. Duket se shumë dosje ngecin në këtë ngushticë të “Hormuzit” njerëzor.
Jo vetëm KLP
Dosje të shumta ministrash, bashkiakësh, prokurorësh, gjyqtarësh, “Balluku”, “AKSHI” “Rama” “Agasi” “Safeti”, “Shukriu”, “Arsini” kanë episode lakuriq, të cilat ndonëse nuk janë fort halle penale, janë kthyer në pengmarrje të mëdha. Janë alla Epstein, kur merr vesh se nëpër zyra shtetërore, janë konsumuar shpesh një rrugë e dy punë. Njëra veshur, tjetra zhveshur.
Koka e gabuar
Kuplarizimi institucional, trishtueshëm është shpeshtuar ndjeshëm. Punët nëpër zyra, po anojnë më shumë nga këmbë-vështrimi,.se sa nga kënd-vështrimi. Duart pakësojnë kohën nëpër dosje. Përdorja, shantazhet kanë krijuar magazinat digjitale të videove. Përgjimet e shumta kanë skandale të mëdha. Kjo edhe nga dosjet e partnerëve. Sky-enchro ka plot të tilla, mes banditëve e zyrtareve.
Vëri gishtin kokës
Batuta të shqipes me gisht ka shumë. Kulmojnë ato me, vëri gishtin kokës, gishtin në plagë, jo çdo punë bëhet me gisht, gishti më i gjatë, e të tjera. Kemi mësuar edhe të huajt të shohin ndryshe punët e kokës. Kjo ka tjetërsuar qëndrimet dhe vlerësimet e tyre, duke qenë asimetrikë me të vërtetën.
Kjo qeverisje ka strukturuar modelet ku përballjet me ligjin, po e ngatërrojnë kokën studimore. Ortakëria kriminale e ka shtuar këtë. Eskortëzimi i zyrave publike dhe kryesisht atyre të drejtësisë, është një bela e madhe me kosto të lartë. Njerëzia me sy nga ligji, ku prehen qindra mijë dosje stok, presin funksionarët e drejtësisë t’i vënë gishtin kokës. Gjithnjë asaj pa pantallona..!!