Nuk ka ditë që në Itali, të mos na dhemb zemra për vdekje të parakohshme të shqiptarëve.. Mbrëmë u tronditëm përsëri… Një mbiemër i njohur në Lezhë, një djalë i ri na la, një shqiptar vrau një shqiptar … dhe zemra dhemb më shumë… Dhemb për tragjedinë, por dhemb dhe për zinxhirin e hakmarrjeve që s’do ketë mbarim…
Paradoks shumë i madh… Meshkujt shqiptarë në Shqipëri ndjekin ligjet osmane e ndajnë vajzat shqiptare ditën e hënë të martesës, sepse nuk ju dalin të ” virgjëra”, por jashtë shtetit djemtë shqiptarë bëhen modern, dhe dashurohen me mbeturinat që kalojnë nga njëra dorë në tjetrën, që kalojnë nga njëri krevat shqiptarësh në tjetrin krevat shqiptar, biles arrijnë deri aty që të vrasin për dashnoret e huaja, kur këto të fundit pa pikë problemi, se kanë fare problem të mbajnë edhe dy tre të dashur në të njëjtën kohë…
Dikush mund të thotë: “Edhe femrat shqiptare janë bërë më keq se të huajat”, po ka raste fatkeqesisht të tilla, por një femër shqiptare është gjithmonë shum lart mbi çdo femër tjetër, është ajo që bëhet copa për familjen, që punon në heshtje, që nuk di çdo të thotë një fjalë e mirë… Respektoni femrën shqiptare, sepse tërë jetën do të ndjeheni të respektuar.
Një herë një djalë ishte i lidhur me një të huaj, dhe çdo sekond i thoshte, “amore” këtu “amore” atje… Ajo sapo njohi dikë tjetër e la shqiptarin… Shqiptari u martua me një vajzë shqiptare, por kurrë nga goja e tij s’e dëgjova t’i thërriste amore siç thërriste vajzën e huaj… po i thoshte: “He moj ti a e ke ba drekën gati”…
Mjaft o djem shqiptarë, martohuni me vajzat shqiptare, se s’i ka kush në botë, se po i detyroni vajzat tona të marrin djem serbë, maqedonas e grekë, të cilët janë shumë të lumtur me vajzat tona…
Mjaft o djem shqiptarë, mos i vishni nënat në zi, për femrat koti…
Mjaft o djem shqiptarë, mos bini në gjak për prostituta të huaja…
Mjaft o djem shqiptarë, Zoti ju ka dhënë bukuri e inteligjencë e mos ja dhuroni rininë tuaj rrugaçeve…
Mjaft o djem shqiptarë, mos bëni burg për ato femra që nuk ju duan e s’kanë respekt për ju…
Do thoja shumë mjaft, mjaft, ktheni sytë nga atdheu se s’ka kush femra më të bukura e të mira se Shqipëria!!!!
Sot një zemër nëne qanë shumë për djalin që do i tresë dheu, por dhe një nënë tjetër po qanë shumë, për budallallikun që i bëri djali. Deri kur do qani o nëna, deri kur?
Si mund të kalbë toka një djalë të tillë?
Qofsh i Parajsës o Gjergj!”
Në foto: Dr. Anna Hida
Shtojcë nga redaksia: Ngjarja e rëndë ka ndodhur mbrëmjen e djeshme në Arezzo të Italisë.
Viktima është shtetasi shqiptar Gjergj Pergegaj , 30 vjeç , i cili humbi jetën pas disa të shtënave me armë zjarri pranë zonës Bivio di Olmo, në jug të qytetit.
