Nga Xhevat Mustafa
1-
Braktisja e Linda Ballukut për Edi Ramën është ngjashëm si humbja e…kolltukut!
Në parlament, në parti, në media dhe rrjete sociale në Shqipëri e në vende me peshë në BE i kanë kërkuar me gojë e me shkrim kryeministrit Edi Rama që të mos vazhdojë ta mbrojë më ish zëvëndësen dhe ish ministren e tij, Linda Balluku, nëpërmjet “murit kinez” apo “bunkerit të Enverit dhe të Beqirit”, të imunitetit”! Domethënë, që ta ndajë politikisht dhe institucionalisht, siç ka ndarë juridikisht nja 4-5 gra të tjera në këta rreth 35 vjet…!
Ai i dëgjon mirë dhe ndihet keq që nuk po i respekton, edhe disa diplomatë ndërkombëtarë, me të cilët kjo mungesë respekti shtrenjt i kushton…! Por, ai e lidh fort fatin e Linda Ballukut me fatin e vet, domethënë të fronit apo kolltukut, sepse nuk janë thjeshtë bashkëfirmosës vkm- shë mbush me miliona dhe me “spec djegës”…!
2-
President si Bajrami, Edi Rama nuk e gjen as andej nga Surinami, Afganistani, Irani…
Është kuptuar prej kohësh nga veprimet e të dy palëve se Bajram Begaj është vënë
president nga kryeministri Edi Rama, që t’ia plotësojë, pa asnjë kundërshtim, dëshirat dhe urdhërat të tana!? Apo, ngjashëm siç kishte Enver Hoxha për gjase president Haxhi Lleshin…!?
3-
Edi Rama të largohet me dorëheqje, vetë, sa e bëri këtë Enveri, sa pati jetë…?
Kjo do të ishte ngjashëm sikur Enveri të nxjerrë të gjallë nga varret e t’i rikthejë në postet e tyre shokët Beqir, Petrit, Hito, Mehmet…!
4-
Përse Edi Ramës i flakërohen nervat nga pyetjet e Ambrozia Metës?
Dëbimi i Ambrozias nga Edi Rama në konferencën e tij të rradhës apo formale të shtypit është ndëshkim dhe dëbim i opinionit të shumicës së popullit dhe të institucioneve të drejtësisë. Ambrozia ushtroi të drejtën demokratike për të bërë një pyetje, më shumë si QYTETARE dhe si SHQIPTARE se sa në emër të medias së saj! Nënkuptueshëm, edhe të asaj pjese të popullit, që e ndjek me vëmendje e njëmendësi. Sipas një tradite të moçme demokratike, kryeministri ishte i detyruar t’i përgjigjej. Në të kundërt, i zënë mat apo gojëkyçur, ai përdori pushtetin e një diktatori, u bë Enver…!? Fatkeqësisht, nga gazetarët e mediave të tjera, viktima të vendit të punës dhe të pagave të bukës së gojës, varur prej pronarëve të tyre “investitorë strategjikë”( proqeveritarë) munguan dinjiteti, solidariteti, reagimi qytetar e profesional…për tiu kundërvënë Edi Ramës dhe të keqes së gjëmshme që përfaqëson, duke e lënë me mikrofonat dhe kukullat e zyrës së tij të shtypit!?
5-
Gazetari i njohur kosovar, Augustin Palokaj, me shumë njohje dhe informacione të sakta në Bruksel, paralajmëroi më 12 mars bllokimin e negociatave të integrimit të Shqipërisë në BE!
Sipas tij, BE nuk do të miratojë raportin IBAR, i nevojshëm për të filluar mbylljen e kapitujve.
Rama si Enveri, nuk pyet për NATO, BE Traktat Varshave…, sa të ketë ketë popull “kope delesh e dhish” e ketë lloj derzhave!
Urim festiv: GËZUAR DITËN E VERËS!
Por kini kujdes, shikoni më parë tek syri magjik, se mos ju kanë ardhur Edi dhe Enveri me plisa dhe ballokume me doza të forta kanabiz Elbasani dhe Librazhdi në duar, tek pragu i derës, me të vërtetë e jo si iluzion optik…!
