Ngjarja lidhet me ankandin e zhvilluar më 24 shkurt 2026 në Ministrinë e Ekonomisë dhe Inovacionit për administrimin e objekteve të Marinës në Porto Palermo, i cili përfundoi me incident fizik brenda Ministrisë.
Por çështja thelbësore për Himarën nuk është vetëm mungesa e transparencës. Pyetja që shqetëson banorët është,
❓Çfarë po ndodh me pronat e himariotëve që kanë në Porto Palermo dhe nuk i marrin dot?
Qeveria ka bërë gjithçka që të bllokojë banorët në të drejtën e tyre themelore për marjen dhe përdorimin e pronave, duke mbajtur zonën me statusin juridik të zonë ushtarake(pa asnjë funksionalitet real) dhe pjesen tjetër zonë e mbrojtur për “Gaforret blu”.
Dhe sot zhvillon ankande qe plasë grushti për tia dhënë ato privatëve me një qira qesharake për 25 vite, me justifikimin e zhvillimit turistik.
Përveç resorteve të keqndërtuara dhe përfitimeve private, Bashkia Himarë nuk ka marrë asnjë përfitim nga ky zhvillim, përkundrazi.
Në emër të Partisë Demokratike Himarë, denoncoj këtë aferë që mundohet të kalojë në heshtje dhe kundrejt interesave të banorëve autoktonë.
❓Pse nuk investon shteti për zhvillimin e turizmit duke përfshirë interesin e banorëve lokalë, dhe pse pasuria kombëtare dhurohet tek privatët pa konsultim dhe pa transparencë?
Porto Palermo është një nga zonat më të çmuara të Himarës dhe Shqipërisë. Interesi publik dhe i komunitetit duhet të jetë mbi çdo investim privat.
Stop abuzimit me pronat e himariotëve dhe pasuritë kombëtare!
Himara ka nevojë për transparencë.
Bashkia Himarë duhet të informojë komunitetin dhe të marrë përgjegjësitë e saj.
Partia Demokratike Himarë
Kryetare.
