Qeveria italiane ka blerë një pikturë të famshme të Karavaxhos nga një koleksion privat, duke e futur në fondin e posaçëm të veprave të jashtëzakonshme që zotërohen nga shteti italian.
Me një vlerë 30 milionë euro, ndër shumat më të mëdha të paguar ndonjëherë për një vepër arti, “Portreti i Imzot Maffeo Barberinit” vlerësohej me rëndësi të veçantë dhe blerja ishte pjesë e një plani qeveritar për të parandaluar zotërimin e veprave të mëdha të artit nga koleksionistët privatë.
Piktura mbahej në një koleksion privat në Firence dhe u shfaq për herë të parë publikisht në Romë në vitin 2024.
Shfaqja e saj bëri sensacion në mediat italiane, qarqet artistike, kulturore dhe gjithë organizmat qeveritare, duke ‘detyruar’ qeverinë për të bërë hapin e madh që kjo vepër të kthehej në pasuri kombëtare.
Vepra e Karavaxhos është transferuar në koleksionin e përhershëm të Pallatit Barberini në Romë, ku do të ekspozohet bashkë me krijime të tjera të artistit.
Karavaxho (da Caravaggio), emri i vërtetë Michelangelo Merigi ose Amerighi u lind më 1571 dhe jetoi deri më 1610, ishte një piktor italian që krijoi në Romë, Napoli, Maltë dhe
Sicili nga vitet 1590 deri në vitin 1610.
