Pas ofendimit që kreu i GP të socialistes i bëri deputetes së PD, Albana Vokshi, kuptueshëm tensioni politik u rrit ndjeshëm pasditen e sotme.
Thuajse të gjithë deputetët e PD-së e kanë dënuar dhe kanë kërkuar masa ndaj Ballës. Po nuk është vështirë të bësh reagime në Facebook, kjo është më e kollajta gjë.
Deri tani ne kemi parë që deputetët e opozitës janë përjashtuar nga parlamenti pa një pa dy për çështje shumë më të vogla se kjo.
Mendoni që fyerjen që i bëri Balla deputetes Vokshi ta kishte bërë një deputet i opozitës ndaj një gruaje të socialistes. Çfarë do kishte ndodhur? Do e kishin ngrënë të gjallë, se ndëshkimi as nuk diskutohej. Me gjasë PS-ja do bëjë rezistencë për të mos ndodhur ky ndëshkim për Ballën dhe do përpiqen ta kalojnë me kërkesën e faljes apo rrengun se, “ngatërrova numrin 8 me 9”.
Rrugët e opozitës:
1-Të ngunjohen gjithë deputetët në sallë derisa Balla të marrë masë ndëshkimore. Mos dalin që aty nëse kjo nuk ndodh.
2-T’i kërkojnë reagim ambasadave europiane që shqetësohen edhe kur thyen krahun një mizë në Shqipëri dhe PS u thotë se pjesë e aktit është opozita.
—Ose le të marrin numrat e telefonit të ri pastaj dhe të rrinë mos bëjnë zhurmë kot. Të gjitha këto, jo për Albanën, por për standardin.
