Tek dëgjoja sot shfaqen e shfrenuar të Kryeministrit në Kuvend, siç ndodh rëndomë me ata që duan të mbulojnë humbjen e rëndë me hedhje në sulm, mu kujtua vepra e Da Vincit – The Last Supper – Darka e Fundit, para kryqëzimit.
Mospjesëmarrja, e tashmë zyrtarisht, përfaqësuesit të vendit tonë në Bordin e Paqes, duket se ka të bëjë me faktin se ai është i padëshiruar aty ku ndodhet Presidenti Trump. Nxitimi i ekipit pranë Presidentit për ti dërguar ftesën në minuta të fundit Presidentes së Kosovës dhe pjesëmarrja e saj krah Presidentit Amerikan sot, tregon qartë se në atë bord ishte ftuar Shqipëria dhe jo Kryeministri i cili duket se ka lobuar fort të ketë emrin e tij në një letër nga Presidenti. Ai është i padëshiruar në Davosin e ri, të cilin Presidenti i Zvicrës dje tha se Davosi tashmë nuk mund të kuptohet pa Trump.
Më vjen mirë që Kosova na prezantoi si komb në Bordin e Paqes!
Natyrisht zelli i Kryeministrit tonë për të kaluar kohë me vajzën e Presidentit Amerikan e bën atë qesharak para Presidentit dhe ekipt të tij. Vajza është e afërt me babain në familje por jo në vendimarrje politike kombëtare apo ndërkombëtare, dhe Presidenti Trump e ka ndarë familjen nga vendimarrja sidomos më mandatin e dytë.
Kryeministri ynë do të duhej të merrte miratimin nga babai i tij shpirtëror George Soros dhe vëllai i tij Alex për një aktivitet të tillë ndërkombëtar, e ndërsa Alex dje i bënte thirrje politikanëve të globit në listëpagesën e tij, të mblidheshin dhe të kundërshtonin Presidentin Amerikan, KM-ja ynë nuk mund të dilte hapur siç është Soroist, në këto momente kyçe kur MAGA po lufton kundër marksistëve, soristëve dhe globalistëve në Amerikë dhe në botë. Thjeshtë frikë, siç u shpreh Vuçiç parmbrëmë më Davos!
Prandaj i uroj Kryeministrit tonë qetësi mendore sepse vështirë është ta shpëtojë kush në këto momente. Përdorja kaq intensive e makinerisë së propagandës, dhe e emrit dhe prestigjit të Presidentit Amerikan i ka prishur më tepër punë.
Vorba po zien dhe ai ka rënë në vorbë dhe nuk del dot! Sa e hidhur është e vërteta tragjike për tu pranuar… Pas Darkës së Fundit edhe Krishti e mësoi se mes apostujve që darkuan e shijuan verën me të, ishte njëri që e tradhëtonte dhe të nesërmen e kryqëzuan… Fatmirësisht KM – jonë nuk ka rigjallje…
