Grupi parlamentar/ Berisha: Prokurori që guxoi të thërrasë Lubi Ballukun është kërcënuar nga vrasës, nga Altin “Troplini” dhe nga Edi Rama!

Kryetari i PD, Sali Berisha, në mbledhjen e sotme të Grupit Parlamentar, ka hedhur akuza ndaj kryeministrit Edi Rama dhe drejtuesve të institucioneve të drejtësisë, duke deklaruar se prokurori që guxoi të thërrasë Luli Ballukun është kërcënuar nga vrasës, nga Altin Troplini dhe nga Edi Rama.
Berisha tha se, vendi ndodhet në një moment kritik, ku ngrehina e narkoshtetit kundërmon më shumë se kurrë dhe ku drejtësia, sipas tij, është e kapur nga pushteti. Ai e cilësoi si  një akt guximi të jashtëzakonshëm” thirrjen si e pandehur të zëvendëskryeministres Belinda Balluku, të cilën e akuzoi për shpërdorime dhe vjedhje marramendëse në tendera.
“Kjo mbledhje e grupit parlamentar thirret në një moment kritik për vendin, në një moment kritik për opozitën dhe opozitarizmin.
Ju jeni dëshmitarë se ngrehina e narkoshtetit, e qelbur nga koka, kundërmon sot më shumë se kurrë në Shqipëri dhe në botë.
Zëvendësja më besnike e Edi Ramës në 25 vitet e fundit, Lubi Balluku, merret e pandehur për një të mijëtën e vjedhjeve dhe shpërdorimeve të saj.
Një të mijëtën!
Dhe marrja e saj e pandehur ishte një akt kaluari i vërtetë, do të themi atë që është, për atë prokuror që guxoi të firmosë thirrjen e saj.
Ai prokuror që guxoi të firmosë thirrjen e një personi që bashkë me Edi Ramën kanë zhdukur miliarda në tendera në këtë vend, ai u përball me kërcënime vrasësish, me kërcënime indirekt të bosit të tij, Troplinit në krye të Skapit, por edhe me kërcënime direkt të kryeministrit nëpërmjet telefonit të faqezi Manjës, Ulsi Manjës.
Shikoni se ku jemi.
Cili je ti, i thotë Ramaduro prokurorit, që guxon të prekësh pasaportën e zëvendëskryeministres së Shqipërisë?
Kjo është e vërteta.
Dhe kur merr ca mesazhe Ramaduro, e qep gojën sepse ishte vetë personazh që duhej t’i hiqej pasaporta.
Por, pavarësisht nga kjo situatë, ai zgjedh të mbrojë me kusht veprimtarinë e tij kriminale.
Përdor të gjitha mjetet e propagandës kundër opozitës, dhe jo vetëm propagandës, dhe mbrojtjen e krimeve të tij”, tha Berisha.