Njoftimi i plotë:
🇦🇱🗳 Sot, në seancë publike caktuam 46 (dyzet e gjashtë) monitorues për monitorimin e fushatës zgjedhore për zgjedhjet e pjesshme për organet e qeverisjes vendore për bashkitë Tiranë, Vlorë, Berat, Tepelenë, Mat dhe Cërrik, të datës 9 nëntor 2025”. Monitoruesit e caktuar për çdo bashki:
• Bashkia Tiranë, 27 monitorues;
• Bashkia Berat, 4 monitorues;
• Bashkia Vlorë, 8 monitorues;
• Bashkia Tepelenë, 3 monitorues;
• Bashkia Cërrik, 2 monitorues;
• Bashkia Mat, 2 monitorues.
Vendosëm dhënien e mandatit të deputetit të Kuvendit të Shqipërisë, z. Besnik Brahimi, kandidat i listës shumemërore të Partisë Socialdemokrate, Qarku Shkodër, për zgjedhjet për Kuvend të datës 11 maj 2025.
Gjithashtu u plotësuan vakancat e krijuara në pesë këshillat bashkiak:
1. Këshilli i Bashkisë Belsh, me kandidatin e Partisë Demokratike të Shqipërisë, z. Ardjan Allkja.
2. Këshilli i Bashkisë Korçë, me kandidatin e Koalicionit “Bashkë Fitojmë” z. Sanjel Skënderas.
3. Këshilli i Bashkisë Divjakë, me kandidatin e Partisë Socialiste të Shqipërisë, zj. Roza Troshku.
4. Këshilli i Bashkisë Maliq, me kandidatin e “Partisë Socialiste të Shqipërisë”, z. Selami Muço.
5. Këshilli i Bashkisë Elbasan, me kandidatin e “Partisë Socialiste të Shqipërisë”, z. Arbër Haxhiu.
Caktuam partitë politike që do të propozojnë anëtarët e Komisioneve të Zonave të Administrimit Zgjedhor (KZAZ), që do të ngrihet dhe funksionojë për zgjedhjet e pjesshme vendore për kryetar bashkie, në disa njësi të qeverisjes vendore të datës 9 nëntor 2025, si më poshtë:
a) Tre anëtarë propozohen nga “Partia Socialiste e Shqipërisë”;
b) Dy anëtarë propozohen nga “Partia Demokratike”;
c) Një anëtar propozohet nga “Partia e Lirisë”.
Ndërsa anëtari i shtatë dhe sekretari i KZAZ-së u përcaktua pas shortit që u zhvillua ndërmjet Partisë Socialiste të Shqipërisë dhe Partisë Demokratike. Rezultatet e shortit përcaktuan se:
1. Anëtari i shtatë i KZAZve me numër tek do të propozohet nga PS;
2. Anëtari i shtatë i KZAZ-ve me numër çift do të propozohet nga PD;
3. Sekretari i KZAZ-ve me numër çift do të propozohet nga PS;
4. Sekretari i KZAZ-ve me numër tek do të propozohet nga PD.
Partitë politike duhet të paraqesin kandidaturat për anëtarë dhe sekretar të KZAZ-së, jo më vonë se data 10 tetor 2025.
