Në fjalën e tij gjatë Kongresit të Nanoteknologjisë, kryeministri Edi Rama tha se, fuqizimi i AI është shtyllë themelore e qeverisjes dhe përparësi për Shqipërinë 2030.
Gjithashtu ai theksoi se investimet në arsim do t’u mundësojë të rinjve të studiojnë teknologjinë e së ardhmes brenda dekadës që vjen në Shqipëri.
Investimet teknologjike në arsim synojnë krijimin e një brezi novatorësh që do të çojë përpara industrinë, ekonominë dhe qeverisjen shqiptare, theksoi kreu i qeverisë.
Me këtë revolucion, theksoi Rama, studentët tanë s’do ta kenë të nevojshme të studiojnë në universitetet e huaja.
Kjo gjë, tha kryeministri, do të mundësohet nëpërmjet investimeve që do të kryhen. Ai theksoi se tashmë disa universitete kanë nisur të hartojnë programe ndërdisiplinore për sistemet dixhitale, Inteligjencën Artificiale dhe së shpejti edhe nanoteknologjinë. Rama e cilësoi si një nevojë për brezat e ardhshëm dhe jo si një luks, ndërsa shtoi se për të mundësuar një gjë të tillë do të krijojnë partneritete me universitetet evropiane për të përputhur kurrikulën me të tyren.
“Ky investim në arsim ka të bëjë me krijimin e një hapësire për njerëzit që të mendojnë në mënyra novatore, të krijojnë një brez, do të guxoja të thoja novatorësh që do të çojë përpara ekonominë, industrinë dhe qeverisjen shqiptare. Shqipëria është e angazhuar që çdo euro e investuar në shkencë të përkthehet në përparim të prekshëm, llogaridhënie dhe mundësi për të rinjtë tanë.”, u shpreh kryeministri Rama.
